Faatomuaga i le Aafiaga o le Siitia le Aoaoina a le Inisitituti

Kiliki ii e sii mai ai se PDF o le tusi lesona lenei.

O le faamoemoega o le Aafiaga o le Siitia le Aoaoina (ASA) o le saunia lea o le avanoa mo tamaiti aoga ia maua ai ni aafiaga anoa i le afioga a le Atua. O le a sili atu le ausiaina e tamaiti aoga o lenei mea a o latou malamalama atoatoa atili, faaaoga, ma faasoa atu aoaoga a Iesu Keriso. O le faamaeaina o se tasi o nei filifiliga e tolu o le ASA e manaomia e maua ai togi mo kosi taitasi:

1. Fesili o le Siitia le Aoaoina: E mafaufau loloto tamaiti aoga ma tali fesili e suesue ai i le kosi atoa. E i ai fesili faapitoa mo vasega taitasi o vasega e fa o le Maatulimanu e faapea foi ma se vaega o filifiliga lautele mo isi kosi. O sootaga i fesili e suesue ai o loo maua i lalo.

   O Le Aiga e Faavavau (Mataupu Faalelotu 200)

   O Faavae o le Toefuataiga (Mataupu Faalelotu 225)

   O Iesu Keriso ma le Talalelei e Faavavau (Mataupu Faalelotu 250)

   O Aoaoga ma Aoaoga Faavae o le Tusi a Mamona (Mataupu Faalelotu 275)

   Kosi Filifilia Aoao

2. Api talaaga mo le suesueina o le kosi: E masani ona tusia e tamaiti aoga mea latou te aoaoina, le ala latou te faaaogaina ai, ma le ala ua faamalosia ai e a latou aafiaga lo latou faatuatua ia Iesu Keriso

3. Galuega patino e aoao ai: E fuafuaina e tamaiti aoga ma faamaeaina se galuega patino e aoao ai ua faamaonia e lo latou faiaoga. E faaalia e le galuega faatino le aoaoina ma le faaaogaina o aoaoga ma mataupu faavae sa aoaoina i le kosi ma aoteleina pe faapefea ona faamalosia le faatuatua o tamaiti aoga ia Iesu Keriso.

Mo le aoaoina pe faapefea ona faaaoga le Aafiaga o le Siitia le Aoaoina, maimoa i le vitio “How to Use the Elevate Learning Experience” (LDS.org).

O le a sili atu mea aoga e maua e tamaiti aoga mai lenei aafiaga pe afai latou te vave amata, galulue soo i ai, saili manatu faaalia, ma faasoa atu o latou aafiaga i o latou aiga ma uo, pe faaletagata pe i ala o faasalalauga faaleagafesootai. E mafai ona faatulagaina taimi o le vasega e tuuina atu ai i tamaiti aoga avanoa e faamatala ai, faasoa ai, ma molimau ai i mea na latou aoaoina e uiga ia Iesu Keriso ma Lana talalelei. A maea vasega taitasi, e mafai ona faaopoopo pe iloilo e tamaiti aoga a latou galuega patino e aoao ai e atagia ai lo latou malamalama ma le faaaogaina o le mataupu faavae o le talalelei o loo faaaogaina.

O faamatalaga faaopoopo e mafai ona maua i le Fesili e Fesiligia Soo (FFS) e uiga i le Aafiaga o le Siitia le Aoaoina a le Inisitituti

Faamolemole auina mai manatu faaalia i le la-feedback@ChurchofJesusChrist.org.