O Aoaoga ma Aoaoga Faavae o le Tusi a Mamona (Mataupu Faalelotu 275)

Fesili

1. O le a le matafaioi a le Tusi a Mamona i lou olaga?

   O lau tali e tatau ona aofia ai:

   • O faamoemoega autu o le Tusi a Mamona ma lana matafaioi i le faatuina o le upumoni.

   • Faamanuiaga folafolaina mo i latou o e suesueina le Tusi a Mamona.

   • Aisea e taua ai le malamalama i le amataga paia o le Tusi a Mamona.

   • O faamanuiaga ua e vaaia, lagonaina, pe aafia ai i lau suesuega o le Tusi a Mamona i le aluga o lenei kosi.

   • O le auala o le a faaleleia ai lau suesuega ma le faaaogaina o le Tusi a Mamona, e faalagolago i lou aafiaga i lenei kosi.

2. E tusa ai ma le Tusi a Mamona, ua faapefea e Keriso ona faia le avanoa mo oe e faaeaina ai?

   O lau tali e tatau ona aofia ai:

   • Se faamalamalamaga o le aoaoga faavae o Keriso ma faamanuiaga folafolaina ia i latou o e usitaia.

   • Ua faapefea e Keriso ona faatoilaloina faigata faaleagaga ma faaletino mo i tatou taitoatasi.

   • Le auala ua tuputupu ae ai lou talisapaiaina o ma le tuuto ia Iesu Keriso i le aluga o lenei kosi.

   • O le a le mea e te faia e faaalia ai e te taliaina Iesu Keriso o lou Alii ma le Faaola.

3. O a ni upumoni mai le Tusi a Mamona ua uunaia ai oe?

   E mafai ona e fausia pe fesootai manatu mai au tali muamua pe tusi e uiga i se autu fou.

   • Lisi ni mataupu po o ni aoaoga faavae se tolu i le lima mai le Tusi a Mamona ua e aoaoina po o ua sili ona anoa ia te oe ona o lou auai i lenei kosi.

   • Mai i lau lisi, filifili se mataupu po o se aoaoga faavae se tasi ma faamatala mai i lona loloto, e faaaoga ai faataitaiga mai tusitusiga paia ma upu a perofeta.

   • Faasoa atu le mafuaaga e taua ai lenei aoaoga po o le mataupu faavae ia te oe ma pe faapefea ona e faatinoina.

   • Tusi lau molimau o mea ua e aoaoina i lau suesuega o le Tusi a Mamona i le aluga o lenei kosi.

Manatu Autu o Aoaoga Faavae

O le faamatalaga lenei na tuufaatasia e faaaoga ai manatu autu i totonu o lesona mo lenei kosi. O numera o loo puipuia o loo mulimuli mai i upusii e faaalia ai le numera o le lesona i le O Aoaoga ma Aoaoga Faavae o le Tusi a Mamona Tusi Lesona a le Faiaoga (2015) e mafai ona maua ai le faamatalaga. Faatusatusa lau tali i le faamatalaga o loo i lalo. Afai e i ai se manatu autu o le aoaoga faavae mai i lenei iloiloga e te lei taua i lau tali, mafaufau e toe faatulaga lau tali ae lei auina mai. E te le manaomia le kopiina o lenei faamatalaga upu i le upu i lau tali; tau lava o le mautinoa ua e malamalama i nei aoaoga faavae ma faasoa mai lena malamalamaaga. Ona o le fesili 3 e manaomia ai se tali e sili atu le patino, e leai ni manatu autu mo lena fesili.

1. O le a le matafaioi a le Tusi a Mamona i lou olaga?

   O faamoemoega autu o le Tusi a Mamona ma lana matafaioi i le faatuina o le upumoni:

   • “Na aumaia e le Atua le Tusi a Mamona i aso e gata ai e faatalitonu ai tagata uma o Iesu o le Keriso” (1).

   • “Ua maua i le Tusi a Mamona le atoatoaga o le talalelei a Iesu Keriso” (6).

   • “O le Tusi Paia ma le Tusi a Mamona e molimau faatasi ia Iesu Keriso” (7).

   O faamanuiaga folafolaina mo i latou o e suesueina le Tusi a Mamona:

   • “O aoaoga a le Tusi a Mamona e matuai taua ia i tatou i le aso aua na silafia e tusitala faafitauli o le a tatou feagai” (6).

   • “Ao tatou suesue i le Tusi a Mamona ma faaaoga ona aoaoga, e faamalolosia i tatou mai le tiapolo ma aoaoga ma manatu sese o o tatou aso” (11).

2. E tusa ai ma le Tusi a Mamona, ua faapefea e Keriso ona faia le avanoa mo oe e faaeaina ai?

   O se faamalamalamaga o le aoaoga faavae o Keriso ma faamanuiaga folafolaina ia i latou o e usitaia:

   • “Ao tatou o mai ia Keriso ma tausia poloaiga, o le a avea atili i tatou faapei o Ia ma lo tatou Tama oi le Lagi, ma o le a faaolaina i tatou” (3).

   • “Ao tatou ola e tusa ai ma le aoaoga faavae a Keriso, e mafai ona tatou maua faamanuiaga o le Togiola ma maua le ola e faavavau” (8).

   • “Ina ia maua faamanuiaga alofa mutimutivale o le faamagaloina, e tatau ona tatou faaaoga le faatuatua ia Iesu Keriso ia salamo ai” (16).

   Ua faapefea e Keriso ona faatoilaloina faigata faaleagaga ma faaletino mo i tatou taitoatasi.

   • “E ala i Lana Togiola, na manumalo Iesu Keriso i taunuuga o le oti faaletino ma le faaleagaga” (5).

   • “Na tauave e le Faaola i ona lava luga o tatou tiga, mai, ma le atoatoa ina ia mafai ona Ia fesoasoani ia i tatou ao tatou feagai ma luitau o le olaga faitino” (5).

   • “Ona o Iesu Keriso na motusiaina noataga o le oti, o le a tatou toetutu taitoatasi ma maua se tino e faavavau” (18).