Taiala o le Galuega Faatino o le Aoaoina Patino

Fautuaina atu ma faatino se galuega faatino o le aoaoina patino, ua faamaonia e lou faiaoga, lea e te faaloloto ai lou malamalamaaga i le anotusi o le kosi, faaaoga aoaoga faavae ma mataupu faavae i le kosi, ma saili ia faateleina lou faatuatua ia Iesu Keriso. O galuega faatino o le aoaoina patino e mafai ona aofia ai:

• Suesueina o se autu o le talalelei mai le kosi lea e te fiafia i ai.

• Faailoaina o se tulaga o le lalolagi moni ma faaaoga le anotusi o le kosi i se tulaga e aoao ai.

• Fatuina o se punaoa (mo se faataitaiga, ala o faasalalauga faaleagafesootai, faatufugaga faalekalafi, musika ma isi mea) e faalagolago i le anotusi o le kosi lea e aoga i isi tagata.

Na o ni nai faataitaiga nei o mea e mafai ona e faia. Ina ia faataunuu mea e manaomia o le kosi, o le galuega faatino e tatau ona:

• Faamaonia e lou faiaoga.

• Ia taua i le anotusi o le kosi ma ia aofia ai le faaaogaina faaletagata lava ia.

• Ia aofia ai se ripoti o mea sa e faia ma lona aoga ia te oe ma isi tagata.

Ia mafaufau ma le agaga tatalo i se galuega faatino o le a aoga ia te oe. Atonu e te manao e vave mafaufau i ni metotia o ni galuega faatino ma tamaiti o lau vasega, faiaoga, tagata o le aiga, po o taitai perisitua. Afai e i ai sau fesili e uiga i le sa’o o le metotia o se galuega faatino, talanoa i lou faiaoga.