O Faavae o le Toefuataiga (Mataupu Faalelotu 225)

Fesili

1. E mafai faapefea ona ou iloaina le eseesega o le mea moni ma le mea sese?

   O lau tali e tatau ona aofia ai:

   • O le matafaioi a tusitusiga paia, upu a perofeta o aso nei, ma le Agaga Paia i le faatuina o le upumoni.

   • O le ala e mafai ai ona fesoasoani le suesue, faatuatua, ma le tatalo ia te oe e aoao le upumoni.

   • O le ala e maua ai, siitia ai, ma faaaoga punaoa faatuatuaina o le talafaasolopito o le Ekalesia ma ona aoaoga faavae faaalia.

   • O le ala e mafai ai ona e faaaoga mataupu faavae ua e aoaoina e iloa ai le upumoni mai mea sese ao e [po o se isi e te iloaina] feagai ma se filifiliga, luitau, po o se faafitauli i le taimi nei.

2. Aisea e taua ai mo au le malamalama faapea “O Iosefa Samita … e tele atu mea na ia faia vagana ai lava Iesu, mo le faaolataga o tagata i lenei lalolagi, nai lo se isi lava tagata na ola ai”? (MF&F 135:3).

   O lau tali e tatau ona aofia ai:

   • O le matafaioi o le Uluai Faaaliga i le Toefuataiga o le talalelei ma i le amataina o le tisipenisione o le atoatoaga o taimi.

   • O le ala ua faamanuiaina ai lou olaga e se upumoni na toefuatai mai ia Iosefa Samita.

   • O le ala ua faamanuiaina ai lou olaga e ki o le perisitua po o sauniga faaola na toefuatai mai ia Iosefa Samita.

   • O le ala ua e latalata atili ai i le Tama Faalelagi ma Iesu Keriso ona o le matafaioi a Iosefa Samita i le Toefuataiga.

3. Ua faapefea e se tasi o vaega autu po o aoaoga faavae o le Toefuataiga ona faamanuiaina lou olaga?

   a) O le oo mai o le Tusi a Mamona, e) vaega autu ma aoaoga faavae i le Mataupu Faavae ma Feagaiga, i) o le faatulagaga faaalia o le Ekalesia, o) o le toefuataiga o le perisitua, u) malumalu ma galuega o le malumalu. O lau tali e tatau ona aofia ai:

   • Mea ua e aoaoina e uiga i lenei vaega po o le aoaoga faavae mai lou auai i lenei kosi.

   • Le ala ua faaalia ai e lenei vaega po o le aoaoga faavae e faapea o loo matala mai le lagi.

   • Le ala ua faamanuiaina ai lou olaga e lenei vaega po o le aoaoga faavae po o le mafuaaga ua faapitoa ai lava le taua ia te oe.

   • Lau molimau i mea ua e aoaoina e uiga i le talalelei toefuataiina.

Manatu Autu o Aoaoga Faavae

O le faamatalaga lenei na tuufaatasia e faaaoga ai manatu autu i totonu o lesona mo lenei kosi. O numera o loo puipuia o loo mulimuli mai i upusii e faaalia ai le numera o le lesona i le O Faavae o le Toefuataiga Tusi Lesona a le Faiaoga (2015) e mafai ona maua ai le faamatalaga. Faatusatusa lau tali i le faamatalaga o loo i lalo. Afai e i ai se manatu autu o le aoaoga faavae mai i lenei iloiloga e te lei taua i lau tali, mafaufau e toe faatulaga lau tali ae lei auina mai. E te le manaomia le kopiina o lenei faamatalaga upu i le upu i lau tali; tau lava o le mautinoa ua e malamalama i nei aoaoga faavae ma faasoa mai lena malamalamaaga. Ona o le fesili 3 e manaomia ai se tali e sili atu le patino, e leai ni manatu autu mo lena fesili.

1. E mafai faapefea ona ou iloaina le eseesega o le mea moni ma le mea sese?

   O le matafaioi a tusitusiga paia, upu a perofeta o aso nei, ma le Agaga Paia i le faatuina o le upumoni:

   • I le avea ai ma soa i le Tusi Paia, “o le Tusi a Mamona ma le Mataupu Faavae ma Feagaiga na aumaia mo le faaolataga o le lalolagi” (22).

   • “O le Agaga Paia e mafai ona fesoasoani tatou te iloa ai pe moni mea tatou te faitau i ai” (10).

   • “Afai tatou te faalogo i upu a le perofeta, o le a puipuia i tatou mai le fili” (9).

   • “A saunoa mai auauna a le Alii i le mana o le Agaga Paia, o a latou upu e aumaia le finagalo o le Alii” (12).

   O le ala e fesoasoani ai le suesue, faatuatua, ma le tatalo ia te oe e aoao le upumoni.

   • “Afai tatou te faaaofia le faatuatua i le faagasologa o le aoaoina, ua tatou agavaa mo le fesoasoani a le Alii” (10).

   • “E mafai ona tatou maua tali i a tatou fesili e sili ona faigata pe a tatou usiusitai i poloaiga, suesue faamatalaga o punaoa talafeagai—ae maise lava upu a perofeta soifua—saili le taitaiga e ala i le tatalo, ma faaaoga le onosai ma le faatuatua” (10).

   • “Pe a tatou feagai ma ni fesili po o masalosaloga e uiga i le talalelei, e tatau ona tatou pipii mau i mea ua tatou iloa e moni ma talitonu e mafai ona tatou maua ai se tali a le o le suesue atili po o le a faaalia mai e le Atua le tali i se taimi i le lumanai” (4).

   O le ala e maua ai, siitia ma faaaoga ai punaoa lelei.

   • Atonu tatou te faamanatu atu i le tagata suesue faamaoni o faamatalaga o loo i le Initoneti e le o maua ai se faamama o le mea ‘moni’. O nisi faamatalaga, e tusa lava po o le a le faatalitonuina, e le moni lava.” (10; Neil L. Andersen, “Iosefa Samita,” Ensign po o le Liahona, Nov. 2014, 29).

   • “Ina ia aloese mai le faaseseina e faamatalaga le sao pe taufaasese, o i latou e saili le upumoni e tatau ona suesue i faamatalaga o punaoa faamaonia e uiga i le Ekalesia ma lona talafaasolopito” (2).

   • “Pe a tatou amata i le faatusatusaina o faatinoga faaonapo nei, ma feteenaiga i mea ua tatou iloa i le fuafuaga a le Atua, ma tulaga ua tuuina mai i le upu a le Atua ma aoaoga a Ana perofeta soifua, … tatou te iloa ai o lenei mea ua tuuina ai i tatou i se tulaga saogalemu faavavau” ” (10; Dallin H. Oaks, “As He Thinketh in His Heart” [O se Afiafi Faatasi ma se Pulega Aoao, Fep. 8, 2013], lds.org/broadcasts).

2. Aisea e taua ai mo au le malamalama faapea “O Iosefa Samita … e tele atu mea na ia faia vagana ai lava Iesu, mo le faaolataga o tagata i lenei lalolagi, nai lo se isi lava tagata na ola ai”? (MF&F 135:3).

   O le matafaioi a le Uluai Faaaliga i le Toefuataiga o le talalelei ma le tatalaina o le tisipenisione o le atoatoaga o taimi:

   • “O upumoni e faavavau na toefuatai mai i le lalolagi ina ua faaali mai le Tama Faalelagi ma Iesu Keriso ia Iosefa Samita” (2).

   • “Pe a tatou maua se molimau faapea o Iosefa Samita na vaai i le Atua le Tama ma lona Alo, o Iesu Keriso, ua mafai foi ona tatou iloa le moni o le Toefuataiga o le talalelei” (2).

   • “Na valaaulia Iosefa Samita e le Atua e toefuatai mai le talalelei mo lo tatou tisipenisione” (1).

   O le ala ua faamanuiaina ai lou olaga e se upumoni na toefuatai mai ia Iosefa Samita.

   • “O Iesu Keriso o se tagata soifua, faamamaluina. O Iesu Keriso o le Alo e Toatasi na Fanaua o le Tama. O Iesu Keriso o le Foafoa o lenei lalolagi ma isi lalolagi” (13).

   • “O le Ekalesia a Iesu Keriso o le Au Paia o Aso e Gata Ai ua pau lea o le ekalesia moni ma ola e tasi i luga o le lalolagi atoa” (6).

   • “I le avea ai ma fanau a le Tama Faalelagi, ua ia i tatou le malosiaga e avea ai faapei o Ia” (17).

   • “Na ala mai i le Perofeta o Iosefa Samita, le faaalia mai e le Alii o nisi tusitusiga paia e faamaonia, faamanino, ma faalauteleina ai lo tatou malamalama i le upumoni” (12).

   O ki o le perisitua po o sauniga faaola na toefuatai mai ia Iosefa Samita ma le ala ua latou faamanuiaina ai lou olaga:

   • Na maua e Iosefa Samita “ki o le galuega faafaifeautalai, aiga faavavau, ma galuega o le malumalu” (14).

   • “A o le’i mafai ona papatisoina ni tagata, e ao ona latou lotomaualalo, salamo, loto e tauave i o latou lava luga le suafa o Iesu Keriso, ma naunautai e auauna atu ia te Ia e oo i le iuga” (6).

   • “Ina ia maua le faaeaga i le tikeri aupito sili ona maualuga o le malo selesitila, e tatau ona tatou ulu atu i le feagaiga fou ma tumau-faavavau o le faaipoipoga” (19).