Ol Dia Fren,
Pam Sandei long yia ia, hem i long las Sandei blong manis Maj. I taem ia we yumi stap selebretem dei ia we Jisas i ron long bak blong dongki, i go insaed long Jerusalem. Ol pipol oli holem ol lif blong pamtri oli saksakem long ea mo singaot: “!Hosana!” Sam dei afta, Jisas i bin safa mo i bin ded from yumi. Afta, !Hem i laef bakegen long ded! Mifala i hop se bambae yu glad long spesel taem ia blong tingbaot wanem we Papa long Heven mo Jisas i bin mekem blong yumi (luk long Jon 3:16). From Tufala, !yumi evriwan i save laef bakegen!
Wetem lav,
Fren
P.S. ?Hamas pej abaot Jisas nao yu save faenem insaed long namba ia?
Bildimap Testemoni blong Yu
Mi bin lanem olsem wanem Nifae i bin mekem wan sip (Febwari 2020), mekem se mi mi wantem mekem wan miwan blong mi andastanem olsem wanem nao Nifae i bin filim. Fastaem, i bin had, be mi bin lanem se mi no mas givap, mo mi mas trastem Lod semmak olsem Nifae.
Ian D., 9 yia, Verakrus, Meksiko
Weaples Nao Mifala I Stap Ridim Fren
!Mifala i lavem blong ridim Fren! Hem i helpem mifala blong filim se mifala i no stap mifalawan from we mifala nomo i memba blong Jos insaed long taon blong mifala. Mifala i ridim Fren long lanwis blong Jemani mo Nedalan from se mama i blong Nedalan, mo papa i blong Jemani.
Lars mo Torben S., 3 mo 5 yia, Lo Saksoni, Jemani
Mifala I Lavem blong Luk Tempol
Mifala i stap kolosap long Barankuila Kolombia Tempol, mo stap visitim tempol evri 2 wik. Hemia i helpem mifala blong tingbaot ol kavenan we bambae yumi mekem wetem Papa long Heven.
Pueto Kolombia Branj Praemeri, Kolombia