I Kam long Fas Presidensi

!Hem I Girap Bakegen long Ded!

I Kam long Presiden Henry B. Eyring

Seken Kaonsela long Fas Presidensi

We oli jenisim smol aot long toktok ia “He Is Risen,” Liahona, April 2013, 4–5.

Jesus riding a donkey into Jerusalem

Laef Bakegen long Ded blong Jisas Kraes i givim hop long yumi. Hem i givim hop long mi long wan Sama dei long yia 1969 taem we mama blong mi i bin ded. Mi harem nogud, from se, blong sot taem, bae mi nomo luk mama blong mi.

Be mi bin filim hapi taem we Tabu Spirit i bin talem long mi se Laef Bakegen long Ded, i wan ril samting. Mi save gat pikja ia se bae i olsem wanem blong luk mama blong mi mo ol narawan mi lavem sam dei bakegen.

Jisas i bin laef bakegen long ded. From Hem, evriwan long ol pikinini blong Papa long Heven we oli bon insaed long wol ia bae oli laef bakegen long ded wetem wan bodi we bae i neva ded.

Laef Bakegen long Ded: Taem ia we spirit blong Jisas i bin kambak joen long bodi blong Hem afta we Hem i ded. From Jisas, evriwan we i bin ded finis, bambae i laef bakegen samtaem.

“Mi testifae se Jisas i Kraes ia we i bin girap bakegen, Sevya blong yumi, mo eksampol blong yumi we i stret evriwan mo Hem i gaed blong go long laef we i no save finis.”

Presiden Henry B. Eyring

Stori blong Ista

Katemaot ol kad mo glu olgeta tugeta long wan pepa. Mekem hol mo fasem tugeta wetem wan string. !Naoia yu gat wan Ista stori buk!

1. Jesus riding a donkey into Jerusalem

   Jisas Kraes i ron long bak blong wan dongki, i go insaed long taon ia, Jerusalem. Oli pipol oli presem Hem mo oli sakem ol lif blong pamtri antap long graon. (Luk long Mak 11:1–11.)

2. Jesus blessing a man

   Jisas i visitim tempol. Hem i bin hilim ol pipol we oli nomo save wokbaot mo oli blaen. (Luk long Matiu 21:12–14.)

3. bag of coins

   Ol jalus pris oli bin pem wan long ol disaepol blong Jisas, we hem i Juda Iskariot, wetem 30 silva koen blong hem i salem Jisas long olgeta. (Luk long Matiu 26:14–16.)

4. Jesus holding bread

   Jisas i bin kakae kaekae blong Pasova wetem ol disaepol blong Hem. Jisas i givim sakramen long olgeta blong helpem olgeta blong oli tingbaot Hem. (Luk long Matiu 26:19–20, 26–28.)

5. Jesus praying

   Jisas i bin go long Getsemane blong prea long Papa long Heven. Longwe, Hem i stat blong safa from ol sin blong yumi. Ol pipol wetem ol naef blong faet oli bin kam, mo oli arestem Hem. (Luk long Matiu 26:36–50.)

6. tomb with stone

   Jisas i bin safa mo i bin ded antap long kros. Bodi blong Hem i bin slip insaed long wan hol blong ston we i gat wan bigbigfala ston i stap long fored blong doa. (Luk long Matiu 27:27–35, 57–60.)

7. Resurrected Jesus in front of tomb

   Ol enjel oli rolem ston i go. Oli talem long Meri Magdala mo ol nara woman se Jisas i bin laef bakegen long ded. Jisas i bin kamkamaot long ol woman, mo oli bin wosipim Hem. (Luk long Matiu 28:1–10.)

8. Resurrect Jesus in white robe

   Jisas i bin kamaot long ol disaepol blong Hem. Oli bin tajem bodi blong Hem we i laef bakegen long ded. Hem i talem long olgeta blong oli mas tijim gospel blong Hem long evriwan. Jisas Kraes i bin girap bakegen long ded, !mo yumi tu! (Luk long Luk 24:36–43; Matiu 28:16–20.)

Luk long Kam Folem Mi, blong Doktrin mo Ol Kavenan 29 mo Ista.

Friend Magazine, 2021/03-04 Mar/Apr

Ol pikja droing oli kam long Steliyana Doneva