Ol Han blong Help Raon long Wol

Mitim Raiarii blong Tahiti

I Kam long Linda Davies

Ol Magasin blong Jos

Mitim ol Praemeri pikinini oli stap helpem ol nara man, semmak olsem Jisas i mekem.

photo of Raiarii in Tahiti climbing a tree

Evri samting abaot Raiarii

Yia: 9

I Kam long: Tahiti

Lanwis: Franis

Famli: Mama, Papa, tri brata mo wan sista.

Ol gol mo drim: 1) Lanem blong plei piano. 2) Ridim ful Buk blong Momon. 3) Kam wan dokta o wan paelot.

Ol Han blong Help blong Raiarii

Raiarii i laekem blong go visitim bubuwoman blong hem, Mami. Hem i save plei long sanbij mo hukum fis long lagun. Hem i kakae ol mango mo ol banana we oli gro long ol tri. Sam yia i pas, hem i mitim ol fren blong Mami, Kali mo Mia.

Evri moning, Raiarii mo Mami, bae tufala i ridim Buk blong Momon tugeta. Kali mo Mia, i stat blong joenem tufala. Raiarii i eksplenem ol skripja blong oli isi blong andastanem.

Raiarii mo ol brata blong hem oli laekem blong helpem Kali blong hukum fis. Wan dei, Raiarii i talem: “Bae yumi prea se bae yumi sef mo hukum fulap fis.” !Long dei ia, Kali i kasem plante moa fis bitim oltaem! Kali i disaed blong oltaem prea bifo hem i go huk.

Raiarii i stap rere blong kasem baptaes. Hem i talem long Kali long saed blong samting ia. Afta, ol misinari oli bin kam, oli tijim Kali mo Mia moa abaot gospel. Taem we Kali mo Mia i bin baptaes, Raiarii i bin stap. “Mi mi hapi se Kali i wantem blong folem wokbaot blong Jisas,” hem i talem.

Ol Fevret Samting blong Raiarii

Ples: Hom blong Mami

Stori abaot Jisas: Taem Hem i bin fidim ol bigfala grup blong ol man wetem tu fis mo faef bred.

Praemeri Singsing: “Mi Save Sevya I Lavem Mi“ (Liahona, Maj 2015)

Kaekae: Sasimi we oli mekem wetem fres fis blong solwota, mo joklet kek we oli mekem folem resipi blong ol bigfala bubu blong hem.

Kala: Red

Topik long Skul: Matematik

Raiarii wetem Kali mo samfala fis we tufala i kasem.