Jān Būreejtōnji eo Kein Kajuon

E Em̧ōj an Jerkakpeje!

Jān Būreejtōn Henry B. Eyring

Rikakpilōklōk eo Kein Karuo ilo Būreejtonji eo Kein Kajuon

Kar bōk jān “E Em̧ōj An Jerkakpeje,” Liaona, Eprōļ 2013, 4–5.

Jerkakpeje eo an Jisōs Kraist ej letok n̄an kōj kōjatdikdik. Ekar leļo̧k n̄an e ilo jam̧ar ilo 1969 ke jinō ekar mej. Iaar būrom̧ōj kōnke ikar jepelļo̧k ilo jidik wōt iien jān e.

Ak ikar en̄jake m̧ōņōņō ke Jetōb Kwojarjar ekar ba n̄an n̄a bwe Jerkakpeje em̧ool. Imaron̄ pijaikļo̧k ta eo enaaj erom̧ āinwōt n̄an lo jinō im ro jet rejitōnbōro bar juon alen juon raan.

Jisōs Kraist ekar bar jerkakpeje. Kōn E, aolep ajri ro nejin Jemedwōj Ilan̄ ro rej ļotak tok n̄an laļ in enaaj jerkakpeje ilo juon ānbwin me ejāmin bar mej.

Jerkakpeje eo: Ke jetōb eo an Jisōs ekar bar koba ippān Ānbwinin ālkin An kar mej. Kōn Jisōs, aolep ro rekar mej renaaj bar jerkakpeje juon raan.

“Ij kam̧ool bwe Jisōs ej Kraist eo eaar jerkakpeje, ad Rilo̧mo̧or, im ad waanjon̄o̧k ewāppen im ej tōlļo̧k n̄an mour indeeo.”

Būreejtōn Henry B. Eyring

Bwebwenato eo an Ijtō

M̧wijiti kaat ko im kuļukier ioon peba eo. Kōm̧m̧an ron̄ ko im likwōje kōn to. Kiiō ewōr kiiō am̧ make bok in bwebwenato kōn Ijtō!

1. 

   Jisōs Kraist ekar iuwe ioon donkey eo im deļo̧n̄eļo̧k jikin eo Jerusalem. Armej rekar nebar E im rekar erļo̧ki kimej ko ilo laļ. (Lale Mark 11:1–11.)

2. 

   Jisōs ekar loļo̧k tampeļ eo. Ekar kōmour armej ro rekar ajjukuk im pilo. (Lale Matu 21:12–14.)

3. 

   Pris ro rebanban rekar kōļļā wōņāān juon iaan rikaļoor ro an Jisōs Kraist, Judas Iscariot, 30 jelba jāān dekā ko n̄an liaakeļo̧k E n̄an er. (Lale Matu 26:14–16.)

4. 

   Jisōs ekar m̧ōn̄āik m̧ōn̄a in iien Kwojkwoj in Kijone eo ippān Rikaļoor ro An. Ekar leļo̧k n̄an er kwojkwoj n̄an jipan̄ er keememej E. (Lale Matu 26:19–20, 26–28.)

5. 

   Jisōs ekar etal n̄an Gethsemane n̄an jar n̄an Jemedwōj Ilan̄. Ijeņ Ekar jino en̄taan kōn jerawiwi ko ad. Armej ro ewōr ippāer jāje rekar itok im kalbuuj E. (Lale Matu 26:36–50.)

6. 

   Jisōs ekar en̄taan im ekar mej ioon debwāāl. Ānbwinnin ej babu ilo juon lūb eo ekilep ejm̧aan kōjem in lūb eo. (Lale Matu 27:27–35, 57–60.)

7. 

   Enjeļ ro rekar kōdāpil ļo̧k ejm̧aan in lūb eo. Rekar ba n̄an Mary Magdelene im kōrā ro jet bwe Jisōs em̧ōj an jerkakpeje. Jisōs ekar waļo̧k n̄an kōrā ro, im rekar kabun̄ jar n̄an E. (Lale Matu 28:1–10.)

8. 

   Jisōs ekar waļo̧k n̄an Rikaļoor ro An. Rekar jibwe Ānbwinnin eo me em̧ōj an jerkakpeje. Ekar ba n̄an er n̄an katakin aolep gospel eo An. Jisōs Kraist ekar bar jerkakpeje, kōn menin jenaaj bar jerkakpeje! (Lale Luk 24:36–43; Matu 28:16–20.)

Lale Itok, Ļoor Eō n̄an Katak im Bujen Ko 29 im Ijtō

Kōmeļeļe ko jān Steliyana Doneva