Pein Jipan̄ ko ilo aolepān Laļ in
Ioone Raiarii jān Tahiti
Ioon ajri ro jān Būrāimere rej jipan̄ ro jet, āinwōt kar Jisōs.
Men otemjej kōn Raiarii
Iiō: 9
Jān: Tahiti
Kajin eo: French
Baam̧le: Mama, Baba, ladik ro jilu, im juon juon jatū leddik
Kōttōbar im ettōņak ko: 1) Ekkatak kōjan̄jan̄ piano. 2) Riiti aolepān Bok in Mormon. 3) Erom̧ juon taktō ak juon pailōt.
Pein Jipan̄ ko an Raiarii
Raiarii ej m̧ōņōņō in loļo̧k eo jibūn, Mamy. Emaron̄ ikkure ilo bo̧k in parijet im en̄ōd ek ilo̧jet. Ej m̧ōn̄ā man̄ko im binana ko jān wōjke ko. Jejjo iiō ko tokālik, ekar ioon ro m̧ōttan Mamy etaer Kali im Mia.
Aolep jibbon̄ Raiarii im Mamy rekkein riiti Bok in Mormon ippān doon. Kali im Mia rekar kobaļo̧k ippāer. Raiarii ekar jipan̄ kōmeļeļe kōn jeje ko rekwojarjar kōn menin ekar pidodo aer meļeļe.
Raiarii im bratōr ro an rekar jipan̄ Kali en̄ōd ek. Juon raan Raiarii ekar ba, “Jen jar bwe jen maron̄ pād ilo kōjparok im en̄ōd bwijin ek.” Raan eo Kali ekar bwijin koņaan jān kar m̧okta! Kali ekar kāālet n̄an jar aolep iien m̧okta jān an etal im en̄ōd.
Raiarii ekar kōppopo n̄an peptaij. Ekar ba n̄an Kali aolep men kōn menin. Innem mijenede ro rekar itok im katakin Kali im Mia eļapļo̧k kōn gospel eo. Ke Kali im Mia rekar peptaij, Raiarii ekar pād ijo. “Ilukkuun m̧ōņōņō bwe Kali ekar kōņaan ļoore jenkwan neen Jisōs,” ekar ba.
Men ko Rem̧m̧an Tata ippān Raiarii
Jikin eo: Mweo im̧ōn Mamy
Bwebwenato eo kōn Jisōs: Ke E ekar naajdik jarlepju eo kōn ruo ek im ļalem ļoob in pilawe ko.”
Al eo an Būraimere: “I Know That My Savior Loves Me“ (Eo Jera, M̧aaj 2015)
M̧ōn̄ā: Ek iko̧o̧d kar kōm̧m̧an jān ek kāāl jān lo̧jet im kāāk jokleej jān recipe eo an jibūn jibūn.
Kōļar: Būrōrō
UNIN KATAK KO ilo jikuuļ: Math
Raiarii ej pād ippān Kali im jet iaan ek ko rekar ko̧jiki.
Kōmeļeļe ko jān Maarten Lenoir