Paineer ro ilo Aolep Āne
Vicky Tadić
Rioktak ro m̧oktata ilo Bosnia im Herzegovina
“Kar ke Jetōb Kwojarjar men eo?” Vicky ekar kajjitōk.
“Itok!” Brother eo an Vicky ekar lam̧ōj. “Jen tin ikkure ippān baam̧le en an Rowe!”
Baam̧le eo an Rowe rekar jet ro rekāāl rej jokwe itūrūmim. Rekar em̧m̧akūt n̄an Bosnia im Herzegovina jān Amedka kaņ. Ekar wōr nejier ajri ro dettāer wōt Vicky im ajri ro jatin. Ak rekar jab kajin Bosnia. Vicky kar e wōt ilo baam̧le eo an ej kajin Pālle. Ekar ukook bwe ren maron̄ ikkure ippān doon.
Vicky ekar jijet ippān Mrs. Rowe ilo ettōņaak eo inabōj in m̧weo m̧ōer ke ajri ro jet rej ikkure.
“Baam̧le eo am̧ āinwōt roktak” Vicky ekar ba. “Ilo juon wāween eo em̧m̧an.”
Mrs. Rowe ekar ettōn̄dikdik. “Kwonaaj ke m̧ōņōņō in itok im jar ippām? Bwe emaron̄ jipan̄ eok loe etke kōm ejaam oktak. Kabun̄ eo am ejjeļo̧k aer m̧ōn jar ilo Bosnia, kōn menin kōmij jar ippāmim make ilo m̧weo m̧ōm̧.”
Vicky ekar kōņaan jeļā ke ekar tōpar m̧weo im̧ōn baam̧le eo an Rowe ilo Jabōt eo. Jinoin rekar al juon al. Juon iaan ajri ro ekar jar. Innem Mr. Rowe ekar jar im ajeje bilawe im dān eo n̄an kajjojo iaer. Rekar ba menin rej ņa etan kwojkwoj eo. Ālkin iien eo, leddik eo nejin, etan in Jessie, ekar kwaļo̧k juon katak.
“Jemedwōj Ilan̄ ej iakwe kōj. Ej kōnono n̄an kōj kōn Jetōb Kwojarjar” Jessie ekar ba. “Jet iien Jetōb Kwojarjar ej letok n̄an kōj juon en̄jake in aeņōm̧m̧an. Ak jet iien E ej letok n̄an kōj juon ļōmņak.”
Raan eo tok juon, Vicky ekar etetal laļļo̧k n̄an m̧ōn wia eo bwe en tin wia bilawe. Ilo iaļ eo an ļo̧k n̄an m̧weo m̧ōn, ekar tin etal wōt jān jet nien kobij ko ke juon ainikien ilo kōļmenļo̧kjeņ ekar kabōjrake. Pād ettoļo̧k, ekar ba.
Vicky ekar jutak wōt. Ejjab to, juon wa ekar itok im ero̧dool ilo kona eo.. ITAAK! Ekar dibōj nien kobej ko.
Vicky ekar bōk kūtuōn. Ekar lukkuun m̧ōņōņō ke ekar ron̄jake ainikien eo!
Tokālik, Vicky ekar ba n̄an Mrs. Rowe bwebwenato eo. “Kar ke Jetōb Kwojarjar men eo?”
“Āinwōt baj. Jet iien Jetōb Kwojarjar ej kakkōl kōj kōn men ko rekauwōtata.”
“Anij ekar kōjparok eō,” Vicky ekar ba. “Inaaj ron̄jake aolep iien Jetōb Kwojarjar eo.”
Vicky ekar etal wōt im jar ilo m̧ōn baam̧le eo an Rowe aolep Jabōt. Innem Vicky ekar jeere Bok in Mormon eo ippān jinen. Ejjab to aolepān baam̧le eo an rekar ekkatak kōn gospel eo jān ippān baam̧le eo an Rowe. Vicky ekar ukook n̄an aolepeer.
Juon raan Mr. Rowe ekar kajjitōk ippān baam̧le eo an Vicky juon kajjitōk. Vicky ekar āliji ilo kajin Bosnian. “Kwonaaj ke ļoor waanjon̄o̧k eo an Jisōs Kraist ilo am̧ peptaij?”
Vicky ekar kōttar. Ekar kōņaan peptaij. Ak ekar ikūm̧kūm̧ kōn ta eo baam̧le eo an enaaj ba.
Āliktata, jemān Vicky ekar kōnono. “Ba.”
“Ba,” baam̧le eo an ekar ba.
Vicky ekar lukkuun m̧ōņōņō ke ekar en̄jake āinwōt ke ej tōn bokoļo̧k ubōn. “Aaet,” ekar ba n̄an Mr. Rowe. “Aaet, jenaaj.”
Juon wiik tokālik, Vicky im baam̧le eo an rekar ettōr ļalem awa n̄an m̧ōn jar eo an Kabun̄ in epaak tata. Vicky ekar en̄jake m̧ōņōņō ke ej deļon̄e dān eo bwe en tin peptaij. Ekar en̄jake eļap m̧ōņōņō ke ekar kapen āinwōt juon membōr in Kabun̄ eo an Jisōs Kraist im Armej ro Rekwojarjar ilo Raan Ko Āliktata.
Kiiō enaaj bōk Jetōb Kwojarjar ippān aolep iien.
Bosnia im Herzegovina ewōr aer 73 membōr in Kabun̄ in.
Tampeļ eo epaake tata n̄an Bosnia im Herzegovina ej Rome Italy Tampeļ.
Bosnia im Herzegovina rej pād ilo tulaļ tueōn in Europe.
Vicky em̧m̧an ippān m̧akūtkūt ko rej kōm̧m̧an nabōj. Tallōn̄ tōļ ej juon iaan men ko em̧m̧an tata ippān.
Vicky ekar peptaij ke ej 16 an iiō.
Ke Vicky ekar rūttoļo̧k, ekar m̧are ilo tampeļ. Kiiō ewōr ruo nejin ajri.
Kōmeļeļe ko jān Zhen Liu