Kōjerbal Media ilo Kōjparok
Kajjitōk in Kāālet ko Rem̧m̧an
Ewi wāween am̧ jeļā ta eo em̧m̧an n̄an alooje, riit, im ron̄jake? Erkein rej jet kajjitōk ko n̄an jipan̄ eok kāālet ta eo ejim̧we:
-
Menin ejipan̄ ke n̄a bwe in en̄jake Jetōb Kwojarjar?
-
Menin ejipan̄ ke n̄a bwe in ļoor Jisōs?
-
Ewi wāween aō en̄jake n̄e Rilo̧mo̧o̧r en kar pād ijin ippa?
Juon Karōk n̄an Kajekdo̧o̧ne
Ta eo kwoj kōm̧m̧ane n̄e kwoj loe pija ko rejjab em̧m̧an? Kōm̧m̧ane juon karōk bwe kwon jeļā ta eo kwoj aikuj kōm̧m̧ane!
-
Kuņe taļboon eo, kam̧putōr, tablet, ak Tipi eo.
-
Ba n̄an pāāren ro ak juon rūtto kwoj ļōke ta eo kwar loe im kajjitōk jipan̄ eo aer. Remaron̄ uwaake kajjitōk ko am̧ im jipan̄ eok.
-
Kōm̧m̧an jabdewōt men eo em̧m̧an. Kwomaron̄ al juon al in Būraimere, riit n̄an juon jeim̧ ak jatim, ak ikkure inabōj ippān juon m̧ōttam̧.
Kalimjōk wōt Em̧m̧an eo
Technology emaron̄ jipan̄ eok kōm̧m̧ani elōn̄ men ko rem̧m̧an. Ta men ko rem̧m̧an kar jipan̄ eok n̄an kōm̧m̧ani?
Erkein rej jet iaan ļōmņak ko!
-
Bitio bwebwenato ippān baam̧le eo.
-
Kōm̧m̧an menmenbwij an baam̧le.
-
Ekkatak men ko rekāāl
-
Alooj ak ron̄jake juon men eo me ej kam̧ōņōņōiki eok.
-
Loļo̧k Eo M̧ōtta website eo.
Kōmeļeļe ko jān Jennifer Naalchigar