Mubo nga mga Sulat sa Komperensiya

Kita Mabuhi Pag-usab

Si Sister Aburto nagtudlo mahitungod sa Pagkabanhaw ni Jesukristo. Dayon misaysay siya og estorya gikan sa iyang kinabuhi. Sa dihang nag-edad siya og nuybe, ang iyang igsoong lalaki namatay. Naghunahuna siya, “Asa man kaha siya miadto? Makita ba nako siya pag-usab?” Siya nakakat-on nga tungod sa Pagkabanhaw, ang iyang igsoong lalaki mabuhi pag-usab! Ang Espiritu Santo mitabang kaniya nga mobati og kahupayan ug paglaom.

Nagtudlo kini kanako:

Maningkamot nga Mahisama ni Jesus

Si Elder Stevenson mipakigbahin og estorya mahitungod sa pagkamabination. Usa ka batang lalaki nga ginganlan og Minchan ug ang iyang mga kauban sa klase mibugal-bugal sa usa ka batang lalaki sa eskwelahan. Sa dihang iyang nahibaloan nga nakapasubo kini sa batang lalaki, si Minchan mibati og kaguol! Nangayo siya og pasaylo. Gisultihan niya ang iyang mga kauban sa klase nga hunongon na ang paghilabot sa batang lalaki. Si Minchan nahimong higala sa batang lalaki. Siya misunod sa ehemplo ni Jesus.

Nagtudlo kini kanako:

Pagserbisyo diha sa Templo

Si Presidente Eyring miingon nga sa dihang ang iyang anak nga babaye batan-on pa, miadto siya sa templo aron mohimo og mga bunyag didto sa templo. Siya ang kataposan nga gibunyagan nianang adlawa. Apan aduna pay daghang ngalan nga nahabilin. Ang mga temple worker balik-balik nga nangutana, “Makahimo ka pa ba og dugang nga mga bunyag?” Matag higayon, mitubag siya og oo. Determinado siya nga moserbisyo sa Ginoo.

Nagtudlo kini kanako:

Pagtabang sa Uban

Si Elder Becerra miingon nga sa dihang bata pa siya, ang iyang papa mangita og tawo nga nanginahanglan. Moingon siya, “Pobrecito” (makalolooy nga tawo). Dayon mangita siya og paagi nga makatabang. Si Elder Becerra nakakat-on sa pagbaton og kalooy alang sa uban. Ang matag tawo anak sa Dios, ug makatabang kita kanila.

Nagtudlo kini kanako:

Mga paghulagway pinaagi ni Bryan Beach