Usa ka Mensahe sa Komperensiya gikan sa Propeta

Ang Hugot nga Pagtuo Makabalhin og mga Bukid

Ni Presidente Russell M. Nelson

Gikuha gikan sa “Si Kristo Nabanhaw: Ang Hugot nga Pagtuo diha Kaniya Makabalhin og mga Bukid,” Liahona, Mayo 2021.

Ang tanan nga maayo sa kinabuhi—ang matag panalangin—magsugod sa hugot nga pagtuo. Diha sa Biblia, si Jesus misaad nga kon kita “may [hugot nga] pagtuo nga sama kadako sa liso sa mustasa,” makabalhin kita og mga bukid (Mateo 17:20). Ang inyong mga bukid tingali mga kasubo, pagduhaduha, sakit, o ubang mga problema.

Ang liso sa mustasa nagrepresentar sa gamay apan nagtubo nga hugot nga pagtuo. Ang liso sa mustasa magsugod sa gamay apan motubo kini nga usa ka kahoy sa igong gidak-on aron ang mga langgam makahimo og salag sa mga sanga niini. Ako mohangyo kaninyo nga sugdi karon ang pagpalambo sa inyong hugot nga pagtuo. Ania ang pipila ka paagi nga mapalambo ninyo ang inyong hugot nga pagtuo ug pagsalig.

1. Magkat-on mahitungod ni Jesukristo pinaagi sa pagbasa sa mga kasulatan. Magkat-on mahitungod sa Iyang mga milagro.

2. Mopili nga motuo Kaniya. Maghunahuna mahitungod Kaniya matag adlaw.

3. Molihok inubanan sa hugot nga pagtuo. Magpabunyag ug moambit sa sakramento.

4. Mangayo sa Langitnong Amahan nga tabangan kamo.

Ang inyong hugot nga pagtuo diha ni Jesukristo makabalhin og mga bukid. Ang hugot nga pagtuo makatabang kaninyo sa pagbalhin sa inyong mga hagit ngadto sa maanindot nga mga oportunidad.

Ang Manluluwas mas duol kaninyo kon mag-atubang kamo o magsagobang og kalisdanan uban sa hugot nga pagtuo.

Presidente Russell M. Nelson

Si Jesukristo Nabanhaw

“Siya nabanhaw sa pagpanalangin sa kinabuhi sa tanan nga mga anak sa Dios, bisan asa sila nagpuyo.”

Presidente Russell M. Nelson

Paghulagway pinaagi ni Jim Madsen

Paghulagway pinaaagi ni Bryan Beach