Ang Pagbalhin sa Among Pamilya

Ni Boston B., 11 anyos, Abu Dhabi, United Arab Emirates

Ang akong pamilya ug ako bag-ohay lang mibalhin ngadto sa Abu Dhabi. Lahi kaayo kini gikan sa dapit nga among gipuy-an kaniadto. Ang among ward lahi, ug ang among balay lahi. Nanlimbasog kaming tanan nga maanad sa bag-ong dapit.

Nagsugod ko sa paghunahuna og mga paagi nga akong matabangan ang akong pamilya. Mibantay ko sa akong mga manghod aron ang akong mama ug papa makapangabli sa mga kahon ug makapahimutang sa balay. Naningkamot usab ko sa pagtabang sa akong pamilya nga mobati nga komportable. Nagkat-on ko og mga kanta sa akong sista nga ganahan ug nahibaloan nga kantahon sa akong mama ug sa akong igsoong babaye.

Ug sa wala madugay napahimutang ra gayod ang tanan sa among balay. Ganahan gihapon ko nga buhaton kadtong mga butanga alang sa akong pamilya. Nakahimo kini nako nga mobati og kalipay ug mobati og gugma gikan sa Langitnong Amahan. Nasayud ko nga kon ako moserbisyo sa uban, ako nagserbisyo sa Langitnong Amahan ug ni Jesukristo. Nasayud ko nga kini makapalipay Kanila sama nako.