Man te Moan Beretitentii

Bwaina te Akoi

Iroun Beretitenti Dallin H. Oaks

Moan Kauntira n te Moan Beretitentii

Anaaki man “Parents and Children,” Ensign ke Riaona, Nob. 2018, 61–67.

a boy and a girl reading together

I kinaa te ataeinimwaane are e birinako mai abana. E bwainingareaki irouia kurubu n aomata ibukina ngkai e kaokoro anuana. A bwainingareia ibukina ngkai e kaokoro ana taetae. E bon aki kakukurei aei iroun te Uea ngkana ti iowawa ke ni kateibuaka nakoia tabeman. Bon te ribuaka kukuakin temanna te aomata, n ikakaeng iaoia, ke n aki butimwaeiia.

Nakoia ataei aika uarereke, ara aonnaba a bon kainnanoa tamaroami ao ami tangira. Bwaina te nanoanga imarenami. E reireiniira Iesu bwa ti na karaoa nakoia aomata ae na karaoaki naba nakoira. Ngkai ti karaoa ara kabanea n tamaroa ni bwaina te nanoanga, ti a kaan riki Nakoina.

Ngkana ko aki nanoanga temanna—n onoti ke n te kurubu—baireia n am iango bwa ko na bitaki. Kaungaia tabeman bwa a na bitaki naba.

I kaota au koaua ibukin Iesu Kristo, ara Tia Kamaiu, are e reireiniira bwa ti na itangitangiri imarenara ngkai E tangiriira. I tataro bwa ti na karaoia naba.

Te Aomata ae Birinako: Temanna ae kitana mweengana ao ni mwaing nakon te tabo teuana bwa e aonga ni kamanoaki.

“Ara aonaaba e kainnanoa tamaroami ao ami tangira. Bwaina te nanoanga imarenami.”

Beretitenti Dallin H. Oaks

Ko na Kanga ni Karekea Raoraom ae Boou

Friend, July 2021 Tier 2

Ko na kanga ni kaota te akoi nakon temanna ae boou? Tao ngkana a roko man te aba ae kaokoro? Ibukin mwaneka n tatabeua, karina ae bon man am iango.

1. Moangare ao kangai mauri.

   • “Mauri! “Antai aram?”

   • “I kukurei ngkai ko kaaina ara kiraati.”

   • ________________________________

2. Iangoia bwa e na kanga aron aia namakin:

   • A mamaa ibukina bwa a tuai reke raoraoia ke n taetae n te taetae ae kaokoro.

   • A nanokawaki ibukina bwa a uringa mweengaia.

   • A raraoma ibukina bwa ______________________.

3. Kaoiia.

   • “Ko tangiria ni kan takakaro ma ngaira?”

   • “Ti a bane n tekateka.”

   • ____________________________

4. Bwaina te nanoanga ao te ibuobuoki.

   • “Ko tangiria ni kan katawanou ma ngai?”

   • Aei te bwai ae ti karaoia imwiina.”

   • _______________________________

5. Reiakiniko mairouia.

   • “Tera am takakaro ae mamate nanom iai?”

   • “E kanga atongan anne n am taetae?”

   • _________________________________

6. Ngkana ko nooria bwa e karaoaki ae aki raoiroi nakoia:

   • Taetae ibukiia.

   • Taetae nakoia ke takakaro ma ngaiia.

   • ____________________________

Friend, July 2021 Tier 2

Kamataataan te tamnei iroun Abby Carter