Kamanoko I bon Iroum

a boy standing in front of road signs

Ko riai ni karaoa te akoi ao te karinerine nakoia natin Tamara are i Karawa ni kabane. Ko riai naba ni kantaningaia tabeman bwa a na karaoa naba aei nakoim. Ngkana iai temanna ae kataia ni kaikoakiko ma taeka ao te mwakuri, e aki TAMAROA!

Ngkana ko namakinna bwa ko aki mano …

1. Kangai I aki.Ko aki riai ni karaoa ae ko namakinna bwa e kairua ke ko mweengabuaka iai. E raoiroi ae ko kangai tiaki.

2. Ongora nakon am namakin. Te Tamnei ae Raoiroi e anganiira kauring aika rau ni buokiira bwa ti na mano. Ngkana ko namakinna bwa iai te bwai ae kairua, tai karekerekeko iai, ao kataia kararoako ngkana ko konaa.

3. Tai kawakin bwaai aika raba aika kammaraki. Iai te kaokoro imarenan te kakubanako ae kakukurei ao te bwai ae raba ae kammaraki. Ko riai n aki karaba te bwai ae kammaraki, e ngae ngke ko berita.

4. Tuanga te ikawai are ko onimakinna. Ngkana iai te bwai ae buakaka ae riki ke ngkana ko namakina te maaku, tuanga temanna are e kona ni buokiko n te tai naba anne, n aron te karo, tia reirei, ke te tia kairiiri n te Ekaretia.

Antai ae ko kona n taetae nakoina ngkana iai am kangaanga? Korei ni karinani araia aomata ake a onimakinaki:

Uringnga …

• Ko tangiraki ao ko kakawaki!

• Tiaki am kairua ngkana iai temanna ae karaoi rinerine aika ko mmaraki iai.

• Ko aki maroaa. Iai aomata aika kona ni buokiko.

• Tamara are i Karawa ao Iesu Kristo a ataa am namakin. A kona ni buokiko.

Kamataatan te tamnei iroun Jennifer Bricking