Ana Kawai ae Boou Winfred
“Ti maiuakina te kukurei” (2 Nibwaai 5:27).
Tera ae kona ni karinna Wilferd n ana kawai?
Winfred e buoks Jajja (Tibuna te unaine) ni karaoa te katairiki.
“Mmm, I tangira te matoke,” e taku Jajja.
“Ngai naba,” e taku Winfred. Bon teuana mai buakon kanau ae I kan kakanna! I tangiri banana aika a kiriin. Ao bebwa ma tomato. Ma te kabanea ni mwakoro ae nakoraoi bon te tiooti.”
“Ibukina bwa te tiooti e booti ni kabane aaro ni kangkangin amwarake n teuana’ E taku Jajja.
A bon tabe naba ni korokoroi bukinikai. Imwina e ikenrawa Winfred.
“Jajja,” e taku, “ko kanga n tiku ni kukurei ni katoa te tai?”
“I kataia,” e taku Jajja. “Ma I aki kukurei ni katoa te tai. Te nanokawaki bon mwakoron te maiu. Ko nanokawaki ngkai naba?”
E katoutoua atuuna Winfred. “E bua Taata (Tamau), ibukina bwa e mwakuri n ae raroa nako. Ao e a bua au reirei, ibukina bwa ti aki kona n nako iai ngkai. Ao a bua raoraou man te aro.”
“E TAMAROA ae e reke nanokawakim n taekan bwaai akanne. Te maiu e bon aki bebete. Ma ngkana I nanokawaki, I kataia ni iiri au kawai ibukin te kukurei.”
“Am Kawai?”
“Ti ibukina iai au kawai ibukin matoke, iai au kawai ibukin te kukurei. N tabetai te nanokawaki e rangi ni bubura ao e aki kona ni mauna n te tai ae waekoa. Ma n angin te tai I kunea bwa au kawai ti ngaia ae I kainnanoia bwa e karekea marurungiu.”
“Tera am kawai?”
E moangare Jajja. “E aera ko aki nooria ngkana ko kona n karekea am kawai ibon ibukim? Ngkanne ko kona n tuangai arona.”
N te tairiki anne ngke e tataro Wilfred, e ataia bwa e ongora Tamana are i Karawa. E ataia bwa te tataro e kakukureia! E anaa te mwakoro ni beeba ao e korea, Ana Kawai Winfred ibukin te Kukurei. 1. Tataro. Ngkanne e a nako ni matu.
N te bong are imwina e a wareka ana Boki Moomon. E kakukureia naba warekan booki aika tabu. E kunea ana beeba ao e korea, 2. Wareki booki aika tabu. Ngkanne e tarai booki aika tabu are e kaukia nakon: “Onimakina te Uea” (2 Nibwaai 33:10).
E a manga reitanako te rongorongo teuana: 3. Onimaki iroun Iesu Kristo.
E iangoia Winfred aron tamaroan karekean kawarakin Jajja irouna. E kunea Jajja Winfred ao e taku,”Ko rabwa ibukin kariaiakakiu bwa n na tiku irarikim.”
Atongan ae ko rabwa e katamaroa ana bong Winfred. E a manga koroboki naba iaon ana beeba. 4. Bwaina te kukurei.
Ngkanne e tuangiia kain rarikina Winfred ngkana a kona n roko ataei ao n takakaro. E kaira tarina ae uarereke, ae Milfred, ao mwaanena ae uarereke, ae Alfred. Ngke a tia n takakro, e weteia ataei bwa e na wareware ma ngaiia. E koroi uotameron Jajja ibukiaa ni kabane bwa a na katoongnga.
Imwina e nako ni kawara raraona Winfred are Kukurei. A bane n teboki bwai n amwarake ibukin tinan Kukurei. Imwina a taea aontano. E kakukurei te ibuobuoki!
Ngke e a bong e buokiia ana koraki Winfred ma aia bwai n reirei. E kamatebwaia tein maan ma Milfred. E buoka Alfred n ana numera.
E a manga taetae Wilfred ma Jajja, n te tairiki anne.
“I namakina te nakoraoi riki n te bong aei! I taku bwaI I a kunea au kawai ibukin te kukurei.”
“Moan te tikiraoi! Tuangai, e taku Jajja.
“Ana Kawai Winfred ibukin te Kukurei,” e warekia. “1. Tataro. 2. Wareki booki aika tabu. 3. Onimaki iroun Iesu Kristo. 4. Bwaina te kakaitau.”
“Anne te kawai ae kamimii,” e taku Jajja. “Ma I taku bwa iai te bwai ae ko mwaninga. Tera riki ae kakukureiko n te bong aei?”
E iango teutana Wilfred. “Eng, I kukurei n takakro ma ataei aika a uarereke. Ao ni buoka Happy ao tinana. Ao ni kamatebwai ma Milfred ao Alfred. Tataninga … ngaia anne! Buokaia temwangina ngaia te kabanea n rengarenga.”
“Eti anne,” e taku Jajja. “Te beku ibukiia tabemwang kanga ai aron te tiooti—e bane ni booti bwaai ni kabane aika raoiroi nakon teuana.”
“Anne te kawai ae raoiroi.” E matangare Wilfred. “I kan manga kataia riki ningabong.”
Te karaki aei e riki i Kampala, Uganda
Kamataataan te tamnei iroun Hollie Hibbert