Te Rao nakon te Rao
Teuana te Uaanikai ae te Peach n te Taina
Man te intawiu ma Amber Healey
Ngke te ataeinnaine ngai ae I uarereke, a kairai au karo ma tariu nakon te tabo n aroka ae ana bwai te Ekaretia. Ti mena ikekei bwa ti na kiniki taian peach. Ti tamwarake iaon kaintamwarake aika rietaata rinanon baanikai aika matenten bwa ti na kabwakabwakai taian peach man te aroka.
N te moan tai, ti rangi ni kukurei. Ma n te tai ae aki maan maangen uaankai a karika ngongon baira! Ti tuanga tinara, “Ti aki manga kan karaoa aio riki. Ti tangiria ni katokia.”
E titiraki Tinara ngkana ti ataia bwa a bane n nakea taian peach. Ngke ti kangai tiaki, e kabwarabwara nakoira.
“Mai buakon peach aikai n tatabeua a uotaki nakon te kateitei are a karaui ni karini inanon taian tiin te korake ake a anganano ni mwakuri. Ngkanne tiin aikanne anganaki aomata ake a kainnanoa te amwarake. Ni katoa ririki te Ekaretia e anga teuana tenga taian tiin amwarake
N te tai ae karina, ngai ma tariu a toki raraomara ibukin baira ake a ngongo. Ti buokiia aomata ake a kainnanoa te amwarake! Imwin anne, ti unga n tamwarake n te kaintamwarake ao ni kinika uaan te aoranti.
N te ririki aei ao ti a tia n tuangkami bwa kam na ira waakin te kakao ibukin Baai n Ibuobuoki (taraa Tianuare 2021 Te Rao). Te beku ibukiia tabeman n aron are e karaoia Kristo bon teuana mai buakon bwaai aika rangi ni kakawaki ae ko kona ni karaoia. Ataei iai aia kawai ae onoti ni kinaia naake a rootaki n te kainnano ao n anganano n ibuobuoki. Teuana te mwakuri ae uarereke e bae n aki tangiraki n te moan tai. Ma ngkana ataei ni kabuta te aonaaba a kakaei anga ni beku, a na karekei riki rakan bwaai aika kakukurei!
Kamataataan te tamnei iroun Toby Newsome