Baai n Ibuobuoki ni kabuta te Aonaaba
Kaitibo ma Eta mai American Samoa
Kaitibo ma ataein te Moanrinan ni buokiia tabeman, n aron ae karaoia Iesu.
Bon rongorongon Eta ni kabane
Ana ririki: 9
Mai: American Samoa
Ana Taetae: Te Taetae n Imatang ao reiakinan te taetae n Samoa
Utu: Tinana, Tamana, teniman tarina, ao temana mwanena
Kouru ao miina: 1) Nako ni karaoa ana mwakuri ni mitinare. 2) Mare n te tembora. 3) Kareke beeba man te kuura ae rietaata. 4) Tararua ana tabo ni karao kabuki tinana.
Bain Eta n Ibuobuoki
E bwaibwai Eta n ana tabo tinana ni karao amwarake karewerewe iaon abaia. Ngkana iai tataran kanaia aika karewerewe, ngaia ma tarina ae ikawai, Talai, a tangiria n tibwaia nako. A tibwai aia bwai ni kakukurei ma aia tia reirei ao aia tia kairiiri ma aomata ake iai aia kangaanga ake a rinanona. N tabetai a butinako n te kaa ma tinaia ao n anga bwaai ni kakukurei nakoia aomata ake a nooria inanon te kawai. E bon kakukurei aei nakoia aomata ngkana iai bwaai ni kakukurei ae a kakubanakoaki iai, ao a kukurei iai Eta ao Talai. A karekea riki te kimwareirei ae bati man tibwaakina nakon are a na bon kang karewerewe akanne i bon irouia! A kaai n reireiniia aron kamwaakin taian kabuki ngkai bon teuana te kouru ibukiia Ataei ao Kairake ibukin te ririki aei, ngaia are n taainako ao a na iai bwaai ni kakukurei ae a na tibwatibwai.
E taku Eta, “I tangiria ni kan tibwai karewerewe ma tabeman ibukina ngkai a na bon kukurei iai, ao I kukurei iai. I ataia bwa anne te bwai ae tangiria Tamara are i Karawa bwa ti na karaoia.“
Mamaten nanon Eta
Te Tabo: Taian kaora i taari i abana, ike e tatangiria ni kan uaua iai
Karakinan Iesu: Ngke E a uti
Anenen te Moanrinan: “Love Is Spoken Here” (Aia Boki n Anene Ataei, 190–91).
Te Amwarake:Baaniaki
Karana: Beboo
Ana bwai n reirei ae tatangiria: Te Numera
Kamataataan te tamnei iroun Sammie Francis