’Ā’amu nō roto mai i te mau pāpa’ira’a mo’a
Hou tātou ’a haere mai ai i te fenua nei
E nehenehe ’outou e tai’o i teie ’ā’amu i roto i te Aberahama 3:22–27.
Hou tō tātou fānaura’a, ’ua ora nā tātou i te ra’i ’e tō tātou Metua i te ao ra. ’Ua ha’api’i ’oia ia tātou nō ni’a i tāna fa’anahora’a nō te oa’oa.
’Ua parau te Metua i te ao ra ē e haere mai tātou i te fenua nei nō te fāri’i i te tino. E ha’api’i mai tātou ’e e rave ho’i i te mau mā’itira’a. I te tahi taime, e rave tātou i te hape. E hina’aro tātou i te hō’ē Fa’aora.
E fa’a’ite mai te Fa’aora ia tātou e nāhea ’ia ora. ’E ’ia rave ana’e tātou i te hō’ē mā’itira’a hape, e nehenehe tā tātou e tātarahapa.
’Ua parau Iesu, « teie au, ’a tono iā’u ». ’Ua mā’iti te Metua i te ao ra iāna ’ei Fa’aora nō tātou. ’Ua fafau Iesu e haere mai i te fenua nei nō te fa’aora ia tātou.
E nehenehe au e pe’e ia Iesu. I te hō’ē mahana, e nehenehe au e ho’i ’e e ora i pīha’i iho i te Metua i te ao ra.
Fa’ahōho’araʼa nā Apryl Stott