Te hoa i te hoa

Tauturu mai tā Iesu

Nā Camille N. Johnson

Peresideni rahi o te Paraimere

girl pushing young boy in stroller

I tō’u haerera’a i te Paraimere, e tamari’i ri’i tō’u taea’e, ’e e ’aiū tō’u tuahine. E mea ’ohipa roa tō’u metua vahine i te ha’apa’ora’a ia rāua i te ao, nō reira ’ia ho’i mai au nā te fare ha’api’ira’a, e tauturu vau iāna. E tu’u vau i tō’u taea’e i roto i te pere’o’o tūra’i ’e ’a haere ai e fa’a’ati ’e ōna, fa’ahou ’e fa’ahou ā. E paraparau māua nō ni’a i te ao nehenehe ’e e hi’o i te mau manu, te mau manumanu ri’i, ’e te mau ’ānimara fa’a’amu a tō mātou mau ta’ata tāpiri mai. E ’ohipa iti ha’iha’i roa, ’ua fa’atupu rā te reira i te hō’ē ta’a-’ē-ra’a rahi ! ’Ua tauturu te reira i tō’u māmā ’ia ’oa’oa ’e ’ia fa’afa’aea ri’i. ’Ua tauturu te reira i tō’u ’utuāfare tā’āto’a. ’Ua riro te reira mai te tauturura’a mai tā Iesu e hina’aro ’ia tauturu tātou.

Nāhea e ti’a ai ia ’outou ’ia tauturu ?

Jesus with children

’Ei mau tamari’i nō te Paraimere, e nehenehe ’outou e fa’atupu i te hō’ē ta’a-’ē-ra’a rahi nā roto i tā ’outou mau ’ohipa iti ha’iha’i nō te hāmani maita’i. ’Ia fa’a’ohipa ana’e ’outou i tō ’outou mau rima tauturu nō te tāvini ia vetahi ’ē, tē ti’a ra ’outou nō Iesu Mesia. Tē tauturu ra ’outou ia vetahi ’ē ’ia ’ite i tōna here.

’A ha’api’i mai i te mau ’ā’amu ’o Iesu. I muri iho, ’a ui ia ’outou iho, « E aha tā Iesu e rave ? » Tē vai ra te mau ta’ata ’ati a’e ia ’outou e hina’aro ra i te tauturu. Vetahi o rātou tei roto i tō ’outou iho fare, ’aore rā i te tahi atu pae o te purūmu.

’Ia rave ana’e ’outou i te mau mea ’ōhie nō te tauturu, e tauturu mai te Vārua Maita’i ia ’outou ’ia ’ite i te maita’i i roto ia ’outou. E ’ite ’outou ē ’ua rave ’outou i te mea tā Iesu e rave.

E mea faufa’a ato’a ’ia fāri’i i te tauturu a vetahi ’ē. ’Ia tauturu ana’e mai vetahi ’ē ia tātou, e nehenehe ato’a tātou e ’ite i te here o te Fa’aora nō tātou !

ʼUa here au ia ’outou ! ’Ua ’ite au ē ’ua here Iesu Mesia ia ’outou ! E ’ite ’outou i tōna here ’ia fa’a’ohipa ana’e ’outou i tō ’outou nā rima tauturu nō te tāvini ia vetahi ’ē.

’Ia riro ’ei tuha’a nō te pupu rima tauturu !

• I roto i te ve’a tāta’itahi o te Hoa, ’a tai’o nō ni’a i te hō’ē tamari’i Paraimere ’o tei tauturu mai ia Iesu (’api 6).

• ’A ha’api’i mai nō ni’a i te hō’ē rāve’a tā Iesu i tauturu ia vetahi ’ē (’api 8). I muri iho e tāpūpū i te tāreta nō te tauturu ia ’oe ’ia tāvini.

• I teienei, ’a fa’a’ite mai e mea nāhea tō ’oe tauturura’a mai tā Iesu ’aore rā e mea nāhea te hō’ē ta’ata i te tauturura’a ia ’oe ! ’A fa’a’ī mai i te ’api i raro nei ’e ’a hāpono mai i te reira ia mātou ’e te hō’ē hōho’a ’e te parau fa’ati’a a te hō’ē metua. ’A haere i te ’api tāpo’i nō muri mai nō te hi’o e nāhea.

Tō ’oe nā rima tauturu

Te mau mea ato’a nō ni’a ia ’oe

Matahiti :

Nō ’ō mai i :

Te mau reo :

’Utuāfare :

Te mau fā ’e te mau moemoeā :

E fa’ati’a mai ia mātou nō ni’a i te hō’ē taime ’a tauturu ai ’oe i te fare ’aore rā i roto i tō ’oe ’oire :

E aha tō ’oe huru ’ia tauturu ana’e ’oe ia vetahi ’ē ’aore rā ’ia pe’e ana’e ia Iesu ?

Tā ’outou mau mea au roa a’e

Vāhi :

’Ā’amu nō ni’a ia Iesu :

Hīmene Paraimere :

Mā’a :

Te ’ū :

Tumu parau i te fare ha’api’ira’a :

’A fa’a’ī i te ’api ’e ’a hāpono atu i te Hoa.

’A hāpono ato’a i te hō’ē hōho’a, mai te mea e nehenehe tā ’oe !

Page from the January/February 2022 Friend Magazine.

Fa’ahōho’ara’a nā Simini Blocker