Te mau buka ’ā’amu a Pāpā
E ’ā’amu teie i tupu i Tahiti.
Tē pārahi ra Allan i ni’a i te hō’ē pārahira’a i rāpae i tōna fare. Tē topa ra te mahana. Tē ti’a ra te mau tumu ha’ari nā mua i te reva ’ura.
Tē huri ra ’oia i te ’api o te buka tāna e tai’o ra. ’Aita hō’ē a’e hōho’a. ’Aita rā e fifi nō Allan. E mea au nāna ’ia tai’o i teie buka !
Hōhoro tōna mata nā roto i te pāpa’ira’a nehenehe a Pāpā. Tē ha’amana’o ra ’oia i teie parau ! E ’ata noa ’oia i te reira.
I reira ato’a tō Pāpā haerera’a mai i rāpae. « E aha tā ’oe e ’ata ra ? »
« Tē tai’o ra vau i te hō’ē o tā ’oe mau buka ». ’Ua ’ata’ata ’o Allan. « E mea ’ārearea roa teie parau nō ni’a i te ha’ari ».
« ’Ā, tā’u mau buka ’ā’amu. » Pārahi ihora Pāpā i pīha’i iho ia Allan. « E ’ā’amu teie nō tō’u orara’a. E ’ere noa rā nō ni’a iā’u. Tei roto ato’a ’oe i te reira. ’E ’o Māmā ato’a, ’e tō ’oe mau taea’e ’e mau tuahine. »
« Mai ia Nephi ! » ’Ua parau ’o Allan. « ’Ua pāpa’i ’oia i te ’ā’amu nō tōna orara’a, ’e ’ua pāpa’i ato’a nō ni’a i tōna ’utuāfare. »
« ’Oia mau ! » Te reo ïa o Pāpā.
« E mea au roa nā’u te mau tuha’a nō ni’a ia ’oe », ’ua parau atu ’o Allan. « Mai te tau e misiōnare ’oe i Tahiti nei. »
« E mea au roa nā’u te ’ā’amu nō ni’a ia ’oe », ’ua parau ’o Pāpā. « ’Ua ’ite ānei ’oe ē, ’ua topa māua i tō ’oe i’oa i te i’oa rōpū o Elder Bednar ? »
« ’Aita roa atu ’oe i parau mai iā’u ! E tai’o vau i te reira. »
’Ua ’ata ’o Pāpā. « E rave rahi ’ā’amu i roto i tā’u mau buka ā’amu. ’Ua pāpa’i au i tā’u buka ’ā’amu mai te va’ura’a o tō’u matahiti. »
« Mai te va’ura’a o tō ’oe matahiti ? » ’Ua ui atu ’o Allan. « E mea maoro, maoro roa i teienei. »
’Ua ’ata ’o Pāpā. « ’Aita vau i pa’ari roa ».
’Ua feruri ri’i ’o Allan. « Fātata tō’u e matahiti », ’ua parau ’oia. « E nehenehe ānei tā’u e fāri’i i te hō’ē buka ā’amu nō tō’u mahana fānaura’a ? »
« Pāpū roa ! » Te reo ïa o Pāpā.
« I muri iho e pāpa’i au i tō’u ’ā’amu ’e ’ia tae i te hō’ē mahana, nā tā’u mau tamari’i e tai’o i te reira. »
« E au te reira i te hō’ē peu tumu rahi nō te ’utuāfare ! » Te reo ïa o Pāpā.
Fa’ahōho’ara’a nā Megan Higgins