Nō roto mai i te Peresidenira’a Mātāmua
E tamari’i here ’outou nā te Atua
Nō roto mai i te ha’apurorora’a Friend to Friend (Te hoa i te hoa) nā te mau tamari’i : 2021.
E au mau hoa ’āpī ē, ’ua here au ia ’outou ! ’Ia ’ite au ia ’outou, e ha’amana’o vau i tā’u mau hina. ’Ua ’ite ānei ’outou ē i roto i tō’u ’utuāfare, ’ua hau i te 100 hina i raro mai i te 12 matahiti ? E mea māramarama rātou ’e te faufa’a rahi, mai ia ’outou ato’a.
E tamari’i herehia ’outou nā te Atua. ’A ha’amana’o na i te reira. Mai te mea e’ita te reira parau mau ateate e mo’e ia ’outou, e ti’a ia ’outou ’ia fa’aruru i te mau fifi ato’a ma te fa’aro’o ’e te itoito.
I te taime ’a bāpetizohia ’outou ’e ’ua ha’amauhia, tē fafau nei ’outou ē e pe’e ’outou i te Fatu. ’E e parau fafau mai ’oia ē e tono mai ’oia i te Vārua nō te arata’i ia ’outou. ’A feruri na i te māramarama ’e te here tā ’outou e nehenehe e fa’atae i te ao nei ’ei pipi ha’apa’o maita’i nā Iesu Mesia !
E au mau hoa ’āpī ē, ’ua te’ote’o roa vau ia ’outou tāta’itahi ! ’Ua ’ite au ē, tē tīa’i māite nei te Metua i te ao ra ia ’outou. ’Ua here roa ’ino ’oia ia ’outou, mai iā’u ato’a nei.
Te fa’anahora’a nō te ’oa’oa a te Metua i te ao ra
Fa’a’ū i te mau hōho’a nō te ha’api’i rahi mai ā nō ni’a i te fa’anahora’a a te Metua i te ao ra. E tai’o hau atu i roto i te Aberahama 3–5.
I ora na tātou i pīha’i iho i te Metua i te ao ra hou tātou ’a fānauhia mai ai.
’Ua ani ’oia ia Iesu Mesia ’ia hāmani i te ao nō tātou.
’Ua hāmani Iesu i te mahana, te ’āva’e ’e te mau feti’a nō te hōro’a mai i te māramarama.
’Ua fa’aruperupe Iesu i te ao nei i te mau tumu rā’au ’e te mau tiare. ’Ua hāmani ’oia i te i’a, te mau manu ’e te mau ’ānimara.
I muri iho, ’ua tu’u te Metua i te ao ra ia Adamu rāua ’o Eva, tō tātou nā metua mātāmua, i ni’a i te fenua nei.
’Ua here te Metua i te ao ra iā’u ’e tē tīa’i māite nei ’oia iā’u.
Fa’ahōho’ara’a nā Elise Black