Fren I Go long Fren

Stap Help Olsem Jisas

Camille N. Johnson

Praemeri Jeneral Presiden

girl pushing young boy in stroller

Taem mi stap long Praemeri, brata blong mi i smol mo i no save wokbaot gud yet, mo sista blong mi, i bebi yet. Mama blong mi i bisi tumas blong stap lukaotem olgeta long deitaem, mo taem mi kambak long skul, mi helpem hem. Mi putum brata blong mi long kat blong pusum bebi mo wokbaot wetem hem raonem ples we mifala stap long hem, bakegen mo bakegen. Mitufala i tokbaot naesfala wol tugeta mo lukluk long ol pijin, ol bebet mo ol animol blong ol neba. !Hem i wan smol samting, be i save mekem wan bigfala jenis! Hemia i mekem mama blong mi i hapi mo spel. I helpem ful famli blong mi. Hem i wan wei blong stap help olsem we Jisas i wantem yumi blong help.

?Olsem Wanem Nao Yu Save Help?

Jesus with children

Olsem ol pikinini blong Praemeri, yu save mekem wan bigfala jenis wetem ol smosmol aksen blong stap kaen. Taem yu yusum ol han blong help blong yu blong givim seves long ol narawan, yu stap ripresentem Jisas Kraes. Yu stap helpem ol narawan blong filim lav blong Hem.

Lanem ol stori blong Jisas. Afta, askem yuwan:“?Wanem nao bae Jisas i mekem?” I gat ol pipol raon long yu we oli nidim help. Sam long olgeta oli stap long hom blong yu nomo, o long narasaed rod.

Taem yu mekem ol simpol samting blong help, Tabu Spirit bae i helpem yu blong filim gud insaed long hat blong yu. Bae yu save se yu bin mekem wanem we Jisas bae i mekem.

Hem i impoten tu blong akseptem help we i kam long ol narafala man. Taem ol narafala man oli helpem yumi, !yumi save filim lav blong Sevya long yumi tu!

!Mi lavem yu! !Mi save se Jisas Kraes i lavem yu! Bae yu filim lav blong Hem taem yu yusum ol han blong help blong yu blong givim seves long ol narawan.

!Joenem Tim blong Ol Han blong Help!

• Long evri magasin blong Fren, ridim abaot wan pikinini long Praemeri we i stap help, semmak olsem Jisas (pej 6).

• Lanem wan wei we Jisas i bin helpem ol narafala man (pej 8). Mo katemaot kad blong helpem yu blong givim seves.

• Naoia yu serem olsem wanem yu help olsem Jisas o olsem wanem wan i helpem yu. Fulumap ol pej andanit mo sendem i kam long mifala wetem wan foto mo wan leta blong givim raet, we papa mo mama i givim. Tanem i go long bak kova blong luk olsem wanem blong mekem.

Ol Han blong Help blong Yu

Evri Samting abaot Yu

Yia:

Yu kam long:

Ol Lanwis:

Famli:

Ol Gol mo Ol Drim:

Tokbaot wan taem we yu bin help long hom o long komuniti blong yu:

?Yu filim olsem wanem taem yu helpem ol narafala man o folem Jisas?

Ol Fevret Samting blong Yu

Ples:

Stori abaot Jisas:

Praemeri Singsing:

Kaekae:

Kala:

Topik long Skul:

Fulumap ol pej mo sendem i go long Friend.

!Sendem wan pikja tu, sapos i posibol!

Page from the January/February 2022 Friend Magazine.

Ol pikja droing oli kam long Simini Blocker