I Kam long Fas Presidensi
Yu Yu Wan Pikinini blong God we Hem I Lavem Yu
Oli karemaot long Fren i go long Fren Brodkas blong Ol Pikinini: 2021.
!Ol dia yangfala fren blong mi, mi lavem yufala! Taem mi luk yufala, mi tingbaot ol bigfala apupikinini blong mi. ?Yufala i save se, long famli blong mi, mifala i gat moa long 100 apupikinini we yia blong olgeta i anda long 12? Oli waes mo impoten tumas, semmak olsem yufala nomo.
Yu yu wan pikinini blong God we Hem i lavem yu. Plis tingbaot trutok ia. Sapos yu neva fogetem klin trutok ia, yu save fesem eni problem wetem fet mo wetem strong paoa long tingting.
Taem yu bin kasem baptaes mo konfemesen, yu bin mekem wan promes se bae yu folem Lod. Mo Hem i promesem se bae Hem i sendem Spirit blong Hem blong i lidim yu. !Jes tingbaot laet mo lav we yu save karem i go insaed long wol olsem wan fetful man o woman we i stap folem Jisas Kraes !
!Ol fren blong mi we mi lavem yufala, mi glad tumas long wanwan long yufala! Mi save Papa long Heven i stap lukaotgud long yufala. Hem i lavem yufala tumas, mo mi tu, mi lavem yufala.
Plan blong Hapines blong Papa long Heven.
Kalarem ol pikja blong lanem moa abaot plan blong Papa long Heven. Ridim moa long Ebraham 3–5.
Yumi bin laef wetem Papa long Heven bifo yumi bin bon i kam long wol ia.
Hem i askem Jisas Kraes blong krietem wol ia blong yumi.
Jisas i mekem san, mun, mo ol sta blong givim laet.
Jisas i mekem wol i naes wetem ol tri mo ol flaoa. Hem i mekem fis, ol pijin mo ol animol.
Afta, Papa long Heven i putum Adam mo Iv, papa mo mama blong yumi, long wol.
Papa long Heven i lavem mi mo i stap lukaotgud long mi.
Ol pikja droing oli kam long Elise Black