Stap Help Olsem Jisas
Jisas I Bin Helpem Ol Pipol long Nid
Taem we Hem i bin stap long wol ia, Jisas i hilim ol pipol we oli bin sik. Hem i bin fidim ol pipol we oli hanggri. Hem i kamfotem ol pipol we oli filim se oli stap olgetawan nomo.
Jisas i tijim tu ol disaepol blong Hem blong helpem ol narafala man. Hem i talem long olgeta se oli mas givim kaekae, wota mo klos long ol pipol we oli nidim. Hem i talem long olgeta blong visitim ol pipol we oli stap olgetawan. Jisas i talem se taem oli givim seves long ol narafala man, i olsem se oli stap givim seves long Hem.
Famli blong mi, i givhan long Sista Rosa. Sista Rosa i gat 90 yia, mekem se hem i no save go aot long hom blong hem. Mi helpem Papa blong fulumap mo transpotem faeawud blong Rosa.
Ignacio G., i gat 9 yia, Kanelones Dipatmen, Yurugwe
Pikja droing i kam long Sarah Keele