Stap Help Olsem Jisas

Jisas I Kea long Ol Sikman

Wea ples we Jisas i go long hem, Hem i kea long ol pipol we oli sik o stap harem nogud. Afta we Hem i laef bakegen long ded, Jisas i visitim ol Man blong Nifae. Hem i askem olgeta blong karem eniwan we i sik o i stap harem nogud, i kam long Hem. Hem i kamfotem olgeta. Hem i hilim olgeta. Ol pipol oli talem tangkyu from we Jisas i helpem olgeta.

Yu save ridim stori ia long 3 Nifae 17:5–10.

!Mi laekem blong mekem seves! Taem we brata blong bubuwoman blong mi i sik, mi bin help blong lukaotem puskat blong hem. Mi helpem tu papa blong mi blong pikimap ol bin we i olsem pinat mo karem olgeta i go long maket.

Collin M., 7 yia, Jojia, YSA

Mi Save Kea long Ol Sikman

• Traem blong luksave sapos wan we yu save i sik o harem nogud.

• Talem wan prea mo mekem wan plan blong help.

• !Mekem plan blong yu!

• Katemaot kad ia blong mekem yu tingbaot blong gohed blong stap help olsem Jisas.

?Olsem wanem nao, yu stap traem blong helpem ol narawan, olsem Jisas i bin mekem? Raet mo talem long mifala.

Pikja droing i kam long Jim Madsen