I Kam long Fas Presidensi
Blong Stap Winim Ol Jalenj blong Yu
I Kam long Elda Dallin H. Oaks
Fas Kaonsela long Fas Presidensi
Bigfala jalenj blong mi long taem mi wan pikinini, i bin taem we papa blong mi i ded, Mi bin gat 7 yia.
Mi gat wan naesfala mama mo bubuman mo bubuwoman we oli kaen. Be mi bin krae plante. Long skul, ol klasmet blong mi oli stap jikim mi from se mi no save raetem ol toktok o blong mekem gud matematik. Sam long ol bigfala pikinini oli stap mekem i nogud long mi insaed long bas blong skul. Mi wantem tumas blong gat ol talen olsem ol narawan, we oli gud tumas long saed blong resis o blong stap olsem wan gudfala singga.
Afta samfala taem, mi stat blong filim gud. Famli blong mi oli lavem mo helpem mi. Mi gohed blong stap wok had mo sloslo mi mekem moa gud long skul. Mi faenem tu ol samting we mi, mi gud long hem. Mi wok had blong kam moa gud long ol samting ia. Papa long Heven i bin helpem mi.
Taem yumi stap gro i kam antap, yumi evriwan i gat ol jalenj. Sam long yumi i gat ol bigfala sik o wan disabiliti. Sam oli pua mo no save kasem gud medikol kea o edukesen. Sam oli tritim nogud olgeta from kala blong skin o from kantri we oli bon long hem.
?Olsem wanem nao yu save winim ol jalenj blong yu?
-
Gat tras long Papa long Heven. Tingting blong yumi i save kam slak wanwan taem, be yumi mas gat tras long Hem. Hem i lavem ol pikinini blong Hem mo i bin promesem blong blesem yumi.
-
Gohed blong stap traem. Lod i bin tijim yumi se yumi evriwan i gat ol defdefren talen. Yu save faenemaot ol talen blong yumiwan. Afta, yumi save yusum blong mekem laef blong yumi i kam antap gud mo blong givim seves long ol narafala man.
Nomata se ples i dak afta we san i go daon, bae oltaem ples bae i moa klia taem we san bae i stap kam antap. Hemia wan tru samting long laef blong yumi. Taem wan rod i blok, yumi save lukaotem wan narafala rod. Sapos wan samting i had tumas blong mekem, yumi save go fored mo gro insaed long hem.
Mi promesem se Papa long Heven bae i helpem yu blong winim ol jalenj blong yu. Hem i lavem yu mo bae i helpem yu blong kam wanem we Hem i wantem yu blong kam.
Mi Save Winim Ol Jalenj.
Ol pikja droing oli kam long Alyssa Petersen