Koreaki Iroum
Te Kamataku n te Tabo ni Kaotioti
Paisley B., ana ririki 12, Utah, USA
E tokonoonoo mwaaneu are e uarereke, e mwaiti ana iango, ao n tabe ibukiia aomata. Bon ngaia temanna au aomata ae I mamateakinna ngkana I kamataku n te tabo ni kamataku. Iai naba tabeua kainnanona aika a onoti. E rangi ni uarereke ibukin ana ririki ao e korakai ni wareware, koroboki, n taetae, ao n tabetai n atai aroia tabeman. E bonotaninga naba.
N te bong teuana n tain te rei, I tamwarake nakon te tabo ni kamataku. I ongo bwanaan temanna ae taetae n aki akaaa ibukiia ataei aika aki toamau. A moanna ni manikangare te koraki ao ni ngare ni kakaniko.
I ataia bwa tiaki nanoia ni kan kammarakai, ma I bon nanokawaki ao ni biri ni kakaea au tabo ni karabaai. Ngke I tekateka n te tabo are I karabaai iai, e tekateka irarikiu temanna ae e a ikawai ni moana taekinan te kaotioti nakoiu. I a moanna nakoraoi.
Ngke e a boo te oki nakon te mweenga, I tuanga tinau te bwai ae riki. E tuangai bwa e Raoiroi ae N na kararoaai man te bwai ae na karika aki kukureiu ao e Raoiroi maroroakinan au namakin ma te aomata ae e a ikawai.
N tabetai ao aomata aki ataa aron te namakin ngkana iai kainnanom ae onoti ke n ataa temanna ae iai kainnanona ae onoti. I kan riki bwa te katooto n te tangira ao te akoi.
Korotamnei iroun Kristin Sorra