Te Kouru ae Karewe Tangirana
E bon aki kan tataninga David ni kawara Dubai Tembora n te bong teuana.
E kabura te kuruu teutana David nako aon te tioka ae bwaoki. Ngkanne e karaurau ni kaakia ni nnena.
“Auee!” E taku tinana. “E rang tamaroa am tioka ae bwaoki ae tein te tembora.”
“E rabwa!” E taku David. “Bon Dubai Tembora. I aki kona n taningaa tian ae teuana raoi.”
E a rangi n ingainga ni kukurei David ma te tai are Beretitenti Nelson e katanoata te tembora ae boou n te aba are e maeka iai David. Te United Arab Emirates iai tabeua ana kateitei aika moan te abwabwaki n te aonaaba. Ma akea ana tembora—ni karokoa ngkai. Aei e na riki bwa te moan tembora n te Middle East ae bwanin.
David e kanimwa te kabanea ni tioka ae bwaoki nako nanon te tembora. “Ikekei!” e taku. “A bane n tia.”
E rara rikaaki Mom bwa e na karaua raoi n taraia. “Te mwakuri ae nakoraoi! Ti na kaaki iaa?”
E iango David. “Ao e uara ngkana e mena inanon au ruu? Ni kaan ma au turein.” David e tatanigra te turein. E kan riki bwa te intinia n te turein n te bong teuana.
“Te iango ae tamaroa,” e taku Tinau.
E karaua raoi n uota ana tioka ae bwaoki ae tein te tembora nakon tinana. E karaua raoi ni kaakia irarikin ana turein. E ingainga ni kan kaotia nakoia mwaanena ao tamana.
N te bong are imwiina, e roko ai tinan David ae arana Ana ni kawaria. A maroroakin bwaai ake a rangi ni kakawaki ake e kakantaningai. Ngkanne iai te bwai ae iangoia.
“E kan ataia bwa tera ae I rangi ni kukurei riki iai?”E titiraki David.
“Eng!” E taku ai Tinana ae Ana.
“Te aro ae a nanako iai au utu ni katea te tembora i Dubai!”
E moangare ai Tinana ae Ana. “E taraa n onoti anne.”
“Bon ngaia!” E taku David. “N te tai aei, akea te tembora ibukin ara aro ae uakaan, ngaia are ti nako n te tembora i Switzerland ke i Tiaman. I kukurei bwa e na iai teuana ae uaakan ma ngaira. I katea au kouru bwa N na katauraoai n nako ikekei.”
“Ai kakukureira!” E taku ai Tinana ae Ana. “Tera bwaai aika a kaunga nanom bwa kona karaoi?”
“I tataro ao ni wareware ni koroboki aika tabu,” e taku David. “Ao I kataia n iriira Iesu Kristo. Ao ngkanne N nang katauraoai nakon te tembora.”
“E rangi n tamaroa anne,” e taku ai Tinana ae Ana. “I kakoaua bwa ko na mwakuri korakora ni kakoroi nanon am kouru.”
“N na karaoia!” E katoutoua atuuna David ma te kukurei. E kakukurei tibwauakin te bwai ae rangi ni kakawaki nakoina.
N te tairiki anne, e titiraki David ngkana e kona ni kamwainga ana tioka ae bwaoki ae tein te tembora nakon te umwanikuuka.
“I tangiria ni kawakinna n te tabo are ti na kona n nonooria n taainako. I tangiria n uringnga ni kateimatoa te kakatauraoi ibukin te tembora.”
“Anne bon te iango ae moan te nakoraoi,” e taku Tamau. “I taku bwa nooran te tembora ni katoa bong e na buokai naba.”
E buokaki David iroun Tamana ni kamwainga te tioka ae bwaoki ae tein te tembora nakon te umwanikuuka.
“E nakoraoi taraana,” e taku mwaanen David ae Kaitlynn.
“Ngkana e a bon tia raoi Dubai Tembora, I kona ni kaoia raoraou bwa a na roko n nooria?” E titiraki David.
E katoutoua atuuna Tinana. “Anne te iango ae tamaroa!”
“Ao ai Tinau ae Ana?”
“Ngaia naba,” e taku Tamau.
E moangare David. E a rangi ni kakaitau ibukin te Dubai Tembora!