Te Anene ae Mamaten nanon Fatima
E kibakiba Fatima inanon te kawai. E riannna nakon mweengana man te reirei ma Mamá. E aam n anene ngke e tabetabe ni kibakiba n te roobu.
“E tuangiira Ms. Lopez bwa ti na reireiniira te anene,” e taku Fatima. “Ko kona n reireinai teuana?”
E wiingare Mama. “Engi!”
Ngke a roko ni mweengaia, a kaai n anene Mamá ao Fatima. E mwaiti te kuna ae anenei. Ma a tuai n anenea te kuna are mamaten nanona.
“I kona n anenea kunan te Moanrinan?” E titiraki Fatima.
“Eng,” e taku Mama.
Fatima e anenea “Utu a Kona n Ikotaki n Aki Toki.” E kamatei taekana ma Mamá. Ngkanne e aneneia n tii ngaia. E aneneia ni karokoa ae eti taekana.
N te reirei, e kukurei Fatima n tibwaua ana anene ma kaain ana kiraati.
“Iai temanna ae kan tibwaua kunaia?” E taku Ms. Lopez.
E katea baina Fatima. “N na karaoia”
E teirake man moangare. “Iai au utu ikai i aon te aba. A rangi n raoiroi nakoiu,” ,” e anene.
Ngke e anene, e namakina te kukurei Fatima. Ao e uringa bwaninin te anene! A uboubo kaain te kiraati ni kabane.
Imwiin te kiirati, e roko Mama bwa e na butimwaea Fatima. E taetae Ms. Lopez nakon Mamá.
“E anenea te kuna ae moan te tamaroa. Ao e aki te roko ni maaku naba teutana.”
E moangare Fatima. Ao Mama naba.
“Ti anenei kuna aika moan te tamaroa ni katoa wiiki n tain te taromauri!” E taku Fatima.
“Ko kona n iriira n te tai ane angaraoi,” e taku Mamá.
E moangare Ms. Lopez. Ko rabwa!”
E anene Fatima ngke e rianna ma Mama nakon mweengaia. E unga n tibwaua te kuna ma kaain ana kiraati. E namakina te kukurei n te anene.
Kamataata n te tamnei iroun Alessia Girasole