Bwaeoniia n Aba Nako
Ana Kakae ae Maan Michael
E mimi Michael bwa enga te Ekaretia ae eti.
E katinea ana baeki baeki Michael iakauuna. Ai bon tibwa moan bongin te reirei, ao e aki kan tataninga! E maeka ma ana utu i Inria. Angiina ataei n ana kaawa aki kona n nako n reirei. E kakaitau Michael bwa iai tibwangana n reirei.
E tangiria ni kan reiakinaki—ai moarara riki te numera. E kan wawareka naba te maekatiin. E rairii iteraniba aika a karanaki. E wareka rongorongoia maan aika a kakaokoro ao tabo ni katobibia te aonaaba.
N te bong teuana ao e wareki aekakin maekatiin aika a kakaokoro. Bon man Ana Ekaretia Iesu Kristo ibukiia Aika Itiaki ni Boong aika Kaitira. E kan wawarekia Michael. E kan reiakina riki ae mwaiti.
E a tia Michael n nanako n aro ake tabeua. E tatangiria n reiakina rongorongon Iesu Kristo. Ma n tabetai e namakina te mangaongao. Enga te aro ae bon te aro ae koaua?
Imwiina, e wareka te boki ae uarereke ae rongorongon Iotebwa Timiti. E namakina te bwai ae onoti ngke e warekia. E a tia Iotebwa Timiti n nakon aro aika a kakaokoro ni ukoukora te koaua. Tao ai kan titebo ngai ma Iotebwa, e iango Michael.
E tangiria Michael n nakon te aro ae boou aio n nooria bwa aekakira arona. Ma akea te aro Ibukiia aika a Itiaki ni Boong aika Kaitira iaon Inria. E nanokawaki Michael. E teimatoa n reiakin bwaai ni kabane are E konaa. E wareka ana Boki Moomon ao n tataro. E ataia bwa e koaua! E tangiria bwa e na bwabetitoaki. Ma e na riai n tataninga.
E waakinako te ririki. Ngke e koro 21 ana ririki Michael, mitinare taanga ae a kara a roko i Inria. N te kabane, e a bwabetitoaki Michael! N te tai ae waekoa e a kona ni karaoa ana mwakuri ni mitinare ibon irouna i Utah, USA.
E waakinako mwaitin te ririki. N te bong teuana e tarebooniaki iroun raoraona. Te Ekaretia e kakaeiia aomata ake a na ibuobuoki n rairairi n te maungatabu ni kabuta ibukiia aomata i aon Inria. E nako nanon Michael n te moan tai. Ma e kukurei n ibuobuoki.
Te bwakantaai teuana n Okitobwa e raira ana taetae Beretienti Nelson n tain te maungatabu ni kabuta. E ongo bwanaan te burabeti ni katanoata te tembora ae na kateaki i aon Inria! E kan takarua Michael bwa e kukurei. E tangi ni kukurei.
E kakaitau Michael ni bwaai ake e bane n reiakin n te reirei. Ma ae kakawaki riki, e kakaitau bwa e reiakin taekan ana euangkerio Iesu Kristo. E a kukurei riki bwa a mwaiti riki aomata i abana ae a kona naba n reiakina rongorongona!
N te tai ae waekoa ao e na iai te tembora i aon Inria!
I aon Inria ao e riaon riki 20 taian taetae aika a kinaaki.
Iai uoua te mition i aon Inria n te bong aei.
Kanan Michael ae mamate nanona iai bon te biryani (te raiti ao te irikomaiu ae kuukanaki ma bwain renganan kuuka aika a tena).
Te karaki man koroboki aika tabu ae mamate nanona iai bon rongorongon Iotebwa n te O Tetemanti.
N te bong aei, e ibuobuoki Michael n rairairi n te maungatabu ni kabuta ibukiia aomata i aon Inria.
Kamataata n te tamnei iroun Oriol Vidal