Te Kaboo n te Tabeaia
E taku te burabeti bwa e na aki toki ara kakatauraoi.
A bukibuki waen Luke iaontano. E taraa aon angana. Tarina, ae Robert, e kataia ni karokoa irouna!
Ikakino! “Ko reke” E taku Robert.
E ngarengare Luke. E kakioa mwaanena ae ikawai Mili.
Imwiin te takakaro, a bane n tekateka ni motirawa.
Tera ara takakaro ngkai?” E titiraki Mili.
E kukurei Luke bwa iai tarina ma mwaane ae kona n takakaro ma ngaiia. Ma e a tia te COVID-19 ni bitii bwaai aika a mwaiti. A aki kona n nako nakon taabo are e mwaiti te aomata iai. Ao n tabetai a aki kariaiakaki bwa a na otinako.
E kataia Luke n iangoa te takakaro ae a na kona n takakaro iai. Ngkanne e tabe n iangoa te bwai are e ongo n te Moanrinan.
“I taku bwa ti riai ni karaoa te bwai teuana bwa ti na tauraoi iai,” e taku Luke.
“Tera ae ko nanonna?” E titiraki Mili.
Luke e taraa te aroka ae te guava irarikin aia auti. “E taku te burabeti bwa e na aki toki ara kakatauraoi. Tao ti kona n riko aia n te bong aei. Ti kona ni karaoia bwa te takakaro n nooria bwa antai ae na karekea riki ae mwaiti!”
Luke ma tarina ao mwaanena a kabobirimwaaka nakon taian aroka irarikin aia auti. E kauaotaoi taian kai Luke inanon baina ao ni biri n oki ni boboti ana aia n te bareaka. Ngke a roko tarina ma mwaanena ikekei, e buokiia naba ni kakiriuaotaai aia aia. A biri n oki ao n nako ni karokoa are e rangi ni mwaiti te aia n uatao.
“E rangi n tau aei ibukin te kuuka ibukin te wiiki ae bwanin!” E taku Mili.
“E rangi ni kaunga anne,” e taku Robert. “I tangiria bwa N na tatauraoi!”
“Ngai naba,” e taku Luke. E tangiria ni karaoa riki te bwai teuana bwa e na katauraoia.
Imwiina ngaia ma tarina ao mwaanena a unika te bele (te bukinikai ae kiriin) inanon aia oo n aroka. Luke e korea uton taian aroka ake a maan bwa a aonga riki ni mwaiti aika a na uniki ao ni maiu man rikirake.
Ngke a mwakuri, ao a otinako tibuia ao aia karo.
“Ko unika te bele i bon iroum?” E ttiraki Tibuna te unimwaane.
“Eng,” e taku Luke. “Ao a reke naba ara aia!”
“Ko rabwa,” e taku Tamau. “I rangi n tabetabe n te bong aei. I a kuri n aki kona ni karaoia.”
N te bwakantaai anne, e tekateka inanon aia auti Luke ma ana utu. A ongo te katanoata n te reerio bwa aomata ni kabane a na tiku inanon te auti ibukin abong te bong n tuuka butinakon te COVID-19. Akea temanna ae kariaiakaki bwa a na kitana mweengaia.
“E tamaroa bwa ti tabeaia n te bong aei. Ti kuri n aki kona ngkai,” e taku Mili.
E moangare Luke. E kukurei bwa a ira ana kakao te burabeti bwa a riai n tauraoi.