Neweabaan te Tembora
Aekakira nanon te tembora? Taraa nanon te Rio de Janeiro Brazil Tembora ao noria. Te tembora bon te tabo are aomata a karekei otenanti (mwakuri aika tabu ke bukamaru ake a karaoaki n ana kariaia te nakoanibonga, n aron te bwabetito).
Teetike ibukin te Rekomente
Ngkana ko rin n te tembora, e na butimwaiko te tia ibuobuoki. Ngkana ko roko ikanne bwa ko na bwabetitoaki ao ni kamatoaaki ibukiia tabeman, ko na kaota am beeba ni kariaia nakon te tembora. E kaotia bwa ko tauraoi n rin inanon te tembora. Ko kona n karekea te beeba ni kariaia mairoun te bitiobi ke te beretitenti n te mwaanga n te ririki are e a koro iai 12 am ririki.
Te Tabo ni Bwabetito
Inanon te tembora ko kona ni bwabetito ibukiia am bakatibu ake a tia ni mate ao a tuai ni bwabetitoaki. Ko kona naba ni kamatoaaki ibukiia bwa aonga ni karekea te bwai n tituaraoi are te Tamnei ae Raoiroi.
Te Ruu ibukin te Otenanti
Ikai ko na reiakina riki ae mwaiti ibukin ana babaire te Tama are i Karawa ibukin te kukurei ao Ana kantainga ibukira iaon te aba. N te bong teuana ko kona n nakomai ni karaoi berita aika tabu, ke berita, ma Ngaia.
Te Ruu n te Tiretio
Te ruu ae tamaroa, ae rau bon te tabo n tataro ao n iangoi aika a rangi ni kakawaki inanon maium. E kauringiira bwa te aekakira aron mweengara i karawa.
Te Ruu ni Kabaebae
Inanon te ruu aei, te buumwaane ao te buuaine a kona ni mare n akea tokina. E aranaki bwa te kabaebae. A katorobuaua taanga n te bao ni karea bwa a na kabaeaki. A kona naba ni kabaeaki ataei nakoia aia karo ngkana a tabekaki ke ni bungiaki imwaain ae a kabaeaki aia karo.