iTokani ni Keba
Taumada, a vakila o Edison ni sega ni lewena.
O Edison e caqeta na qele. Era sa veivosaki kece tiko na cauravou me vakaduri na valelaca. Ia a sega ni kila e dua.
Eratou sa mai tu vakadua vakalailai na matavuvale nei Edison ni oti nodratou toki ki Spain. Ia era sa qai lako mai na cauravou mai na tabanalevu ka sureti koya me gole mai ena ilakolako ni keba. E rogorogo marautaki na keba, ia sa sega tale ni vakadeitaka o Edison ke vinakata me tiko kina. A vakila ni sega ni lewena.
Rau lewe rua na gonetagane, o Diego kei Juan, e rau taubale vei Edison. “O vinakata beka mo wasea na neitou valelaca?” A taroga o Diego.
A biuta o Edison e dua na icegu ka matadredredre. “Io!
“Totoka,” a kaya o Juan. “Oti tou qai laki qaqalo.”
Eratou vakaduria na nodratou valelaca na gonetagane ka cici yani ki na uciwai. Sa batabata dina na wai, ia oqo e dua na ka marautaki a sega kina ni liaca o Edison. Ni oti na vakasigalevu, era a taubale na cauravou kei na iliuliu. Eratou lesu tale me vaka ga ni sa tekivu dromu na matanisiga, ka ratou veivuke ena vakaturi ni dua na bukawaqa ni keba.
“E vakacava tu na nomu matavuvale?” A taroga o Juan.
A biuta o Edison e dua na ibinibini veitabana ena bukawaqa. “Erau wananavu na noqu itubutubu. Ka noqu itokani vinaka duadua o ganequ. Keitou toki mai Ecuador.”
Erau veiraici ena matadredredre levu o Diego kei Juan.
“Keirau talega mai Ecuador!” A kaya o Juan.
A sereka na nona jakete o Diego me vakaraitaka na nona siqeleti. E a tiko kina na ivakatakarakara ni timi ni soka nei Ecuador!
Sa dina! E kaya o Edison. “Ia na cava o vakananuma vakalevu duadua me baleti Ecuador?”
Erau dredre o Diego kei Juan. “Na kakana!” rau a kailavaka ruarua.
Eratou veitalanoataka na gonetagane na veika eratou dau calata me baleti Ecuador kei na veika eratou taleitaka me baleta na bula e Spain. E taleitaka o Edison na kena rawarawa na nodratou veitalanoa kei Diego kei Juan.
A qai tucake e dua vei ira na iliuliu, o Baraca Cisneros. “Ni bula! Keitou via vakacavara na bogi nikua ena dua na soqoni ni soli vakadinadina.”
Era tucake yadudua mai na cauravou kei na iliuliu ka wasea na nodra ivakadinadina. Na nodrau vosa a vakila na yaloi Edison ni sa ovici tu ena dua na itutuvi katakata.
Sa tucake sara o Diego. Au kila ni dina na Lotu! Au kila ni Kalou sa Tamaqu ka sa noqu iVakabula o Jisu Karisito.”
Sa tubu cake sara na nona vakila na katakata. Au via kila talega o ya, e nanuma o Edison.
Ni yaco i vale o Edison mai na ilakolako o ya, a dei tikoga ena nona vakasama na vosa nei Diego. A gadreva me lako i lotu ka vulica na veika baleti Jisu kei Diego kei Juan.
Ena bogi oya ena vakayakavi, a taroga o Papá, “A vakacava na ilakolako ni keba?”
“A totoka dina! E kaya o Edison. “Keitou a qalova ka taubale ka utura e dua na buka. Au sotava talega e rua na noqu itokani mai Ecuador!”
“Totoka sara oqori! Me datou na sureti rau mai,“ a kaya o Mamá.
Cegu vakamalua o Edison. “E rawa beka ni datou tekivu lako tale ki lotu?”
A sega ni tukuna o Mamá kei Papá e dua na ka ena vica na miniti. Sa qai terema o Mamá. “Kevaka o via lako, totoka,” a kaya o koya. “Ia keirau na sega ni lako kei Papá.”
A davo sobu ena nona idabedabe o Edison. E sega ni vinakata me lako duadua ki lotu. E rairai e dodonu me tiko ga e vale kei na nona matavuvale.
A qai vakananuma o Edison na yalo vinaka mai na soqoni ni soli ivakadinadina. Kevaka mada ga eratou sega ni via lako ki lotu na nona matavuvale, a vinakata o Edison me lako.
Me kena ikuri, ena sega ni dabe duadua o koya. A matadredredre o Edison ni kania na kena ivakayakavi. A qai tomika cake na talevoni. E kila o koya eso na itokani e rawa ni ra lako vata i lotu!
Droini mai vei Hollie Hibbert