Sikovi ni Vanua e Tabaki kina na Vidio ni iVola i Momani
Ena dua na gauna lekaleka sa oti, keirau a sikova e dua na vanua ka a tabaki kina e dua na vidio vou ni iVola i Momani. Keirau a sarava na vanua a sikovi ira yadudua kina na gone o Jisu Karisito.
Keirau sarava ni nodra tara na gone na ligana na ekata e vakatakarakarataki Jisu. A vosa vei ira ena sala vinaka, ka malumu, me vaka ga e vinakata o Jisu.
Era tukuna vei keirau na gone ni baleta na veika eratou sotava, a qaqaco cake sara kina na nodratou ivakadinadina ni iVola i Momani. O Jisu Karisito e lako vei ira na Nifaiti. A vakalougatataki ira na gonelalai. E dina na italanoa.
E rawa ni o kila talega. Vulica na iVola i Momani Sarava na vidio ni iVola i Momani. Ni ko vakayacora, sa rawa mo toro voleka yani vei Jisu. Ni ko taleitaki Vua. Ka na vukei iko na Yalo Tabu mo vakila na loloma kei na vakacegu ni iVakabula.
Na ekata e vakatakarakarataki Jisu e dau yalovinaka ka yalomalua.
Eratou taleitaka na mataveiliutaki ni Lalai na nodra sotavi ira na gone ena vanua ni tabaki vidio.
Ena gauna ni tabaki vidio oqo, era a laveti cake tu na agilosi e maliwa lala ena wa kaukamea!
E vuqa na gone e ra vakaitavi ena vidio.
A vukea na goneyalewa oqo na dau ni itaba me logavinaka tiko.
E vaka niu a bulataka tiko na iVola i Momani.
Emoani W., yabaki 11
A vukei au meu kila ni a sikovi ira na tamata oqo o Jisu.
Isaac P., yabaki 7
Ena gauna e rairai mai kina o Jisu kei ira na agilosi, e vakamarautaki au.
Lilly W., yabaki 8
E rawa ni o wasea na vidio vei ira kece na tamata!
Castle W., yabaki 9
O na vulica vakalevu cake na veika baleti Jisu Karisito.
Christina C., yabaki 9
E vakavuna meu vakananuma se na vakacava beka na sotavi Jisu.
Rhett M., yabaki 4