Volai mai vei Iko
Na Veika Lalai ena Vakayaco Veisau!
Jed L., yabaki 9, Ilocos Norte, Filipaini
Au lekaleka duadua ena noqu kalasi. Ena so na gauna au dau diva meu balavu vakataki ira na noqu lewe ni kalasi. Ia e tukuna vei au o tinaqu ni bibi cake na noqu yavunibula mai na kequ balavu, kau rawa ni cakava e vuqa na ka e dina ga niu lekaleka cake mai vei ira na noqu lewe ni kalasi.
Niu vakayalia e dua na ka se niu rere, au biuta na veika au cakava tiko ka masu. Na Tamada Vakalomalagi e dau sauma na noqu masu.
Au vukei ira na tavalequ kei na gone tale eso me ra vulica na fika, Vakavalagi, kei na volavola. Au veivuke ena cakacaka. Au dau qarauni ira noqu manumanu. Au dau droini ka volavola vei ira na daukaulotu. Niu volia se kauta mai e dua na ka vou, au dau wasea vei ira na tani. Niu raici ira na tamata era vakaleqai tu e gaunisala, au solia na veika au rawata, kau dau masulaki ira e veisiga.
Niu se gone, sa tekivu wiliwili vei au o tinaqu. Eda wilika na italanoa ni iVola i Momani, italanoa ni iVolatabu, kei na mekasini ni iTokani. Ia oqo, e dina ga niu sa yabaki ciwa, e se wilivola tikoga vei au o koya. Au na sega ni moce rawa vakavo ga ke keirau wilivola vata kei tinaqu. Ia eso na bogi au dau wilivola vei Na me yacova ni sa moce.
Au cakava na veika rawarawa oqo e dina ga niu se gone lailai. Au kila ni Tamada Vakalomalagi kei Jisu Karisito erau lomani ira na gone lalai. Au kila ni Rau lomani au. Au lomani Rau talega. Na noqu tadra sa ikoya meu yaco meu dua na daukaulotu me rawa niu cakava e levu cake na ka lalai me vakayaco veisau levu.
Droini mai vei Adam Koford