Kilakila mada Ocei e Lomani Iko, Mrs. Banks!

Mai vei Mary Brenchley

(Yavutaki ena italanoa dina)

A tekivu kece ena dua na senikau …

old lady sitting outside her yellow house, holding flowers

E dau taleitaka o Roxy me raica na veivale kece ena nona itikotiko ni taubale tiko i vale mai koronivuli. E dua na vale e tiko kina e dua na koli kodrokodro ka rika cake ka lade sobu ena katubaleka. E dua tale na vale a tagitagi tu na manumanu vuka ena veivunikau.

Sa qai yaco mai ena vale nei Mrs. Banks. O Mrs. Banks e nona qasenivuli ni kalasi tolu, ka dau taleitaki koya o Roxy. E dau yaloyalo o Roxy vei Mrs. Banks ni raica nona dabe toka ena idabedabe ena nona varada e liu. E dau veikauwaitaki ka mamarau tu ga o Mrs. Banks.

Ia nikua sa lala tu na idabedabe ena varada. E rairai vakanomodi na vale. A yali o Chester, na vusi nei Mrs. Banks.

A nanuma sara o Roxy ni kaya o tinana ni sa tauvimate o Mrs. Banks. E dau gole ki valenibula e veisiga me lai veiqaravi vakavuniwai. A sa yalo rarawa o Roxy. E vinakata na yalewa oqo me cakava vei Mrs. Banks e dua na ka vinaka sara. Ia na cava?

A rai wavoki o Roxy ena oni ni veivukayaki tiko e veisenikau. Sa qai yaco mai vua e dua na vakasama.

A cici i vale o Roxy ka tomika e dua na rosi mai na nona iteitei. A lesu tale ki na vale nei Mrs. Banks ka laki biuta ena varada e liu.

Ena siga ka tarava a biuta o Roxy e dua na senikau matanisiga (sunflower) ena idabedabe nei Mrs. Banks. Ia ena siga tarava, a biuta e dua na daisy ena nona katuba e liu. Ena veisiga yadua me rua na macawa, a biuta tiko o Roxy e dua na senikau me nei Mrs. Banks. E qarauna sara me kakua ni laurai.

girl hiding behind tree

Dua na siga ena nona ilakolako ki vale, a raici Mrs. Banks o Roxy ni dabe tiko ena varada e liu. A taura tiko o koya eso na senikau e ligana.

“Roxy,” e kaya o Mrs. Banks, “raica na noqu senikau totoka. E dua sa biuti ira tu mai me noqu. Ena veisiga yadua a waraki au tiko e dua na senikau vou niu yaco yani ki vale mai valenibula.”

A matadredredre o Roxy. “O kila beka ocei?”

A dredre lesu mai o Mrs. Banks. “Se o cei ga oya, au vinakata meu vakavinavinakataki koya.”

“E rairai dua beka e lomani iko!” A kaya o Roxy.

“Ia, au sa nanamaki tu meu kunea e dua na senikau vou e veisiga,” e kaya o Mrs. Banks. “Na imatai ni senikau a tu ena noqu varada.”

“O nanuma beka ni biuta tu kina na nomu vusi?” A taroga o Roxy.

“E dau taleitaka o Chester me dau biuta eso na ka sega ni namaki, ia e sega vakadua ni biuta na senikau.” E dredre o Mrs. Banks. “Vakacava na senikau ena noqu idabedabe?”

“Na koli e gaunisala?” A matadredredre sara o Roxy.

“Ena noqu katuba e liu?”

“E dua na squirrel?”

“Isa,” e kaya o Mrs. Banks, veidredrevaki. “Au sega ni kila ni vuqa sara na manumanu era lomani au! Ia na senikau a vukei au meu vakila e dua na ka talei.”

Sa voleka sara ni kasere ena marau o Roxy. A marau ni vukei Mrs. Banks me matadredre tale.

Na italanoa oqo a yaco e Amerika.

Droini mai vei Adobe Stock