Veico Tawa Yaga kei na Vosa Ca
“Vakacava me dua mada na nodatou iyalayala vakamatavuvale? A taroga o Na.
“E rawa beka ni datou veivosaki? A tarogi Nana o Jonas. A dabe sobu ena veico ka toka tikiva na vanua a davo toka kina ena loga ni senikau.
Io. Na cava e yaco tiko?” A taroga o Na. A luvata na nona qaniliga duka.
“Nikua e koronivuli era a cavuta tiko eso na gone e dua na vosa au sega ni kila. Era dredre ni ra kaya,“ a kaya o Jonas. “Au vakabauta ni dua na vosa ca.”
“Na cava o vakila ni o rogoca na vosa?” a taroga o Na.
“E sega ni vakavuna meu lomavinaka kina.”
E vakasolokakanataka o Jonas na vosa vei Na. A tukuna vua na kena ibalebale. E dina o Jonas. E sega ni vosa vinaka.
“Ia na cava na vuna e ca kina?” a taroga.
“E ca baleta ni sega ni vakayalovinaka ka sega ni veidokai. Ni da vakayagataka na vosa vaqori, ena dredre kina na nona tiko vata kei keda na Yalo Tabu. A tukuna tiko vei iko na Yalo Tabu ni sa ka ca. Oqori na vuna o sega ni lomavinaka kina. ”
A matacudrucudru o Jonas. “Ia o ira na vo ni gone e vaka me ra dau veilasamaki. Na cava na vuna au a lomaleqa duadua ga kina?”
“O kila vakacava ni na vo ni gone era sega ni vakila tautauvata?” A taroga o Na.
“Baleta ni ra dredre kece ka matadredredre ni dua e cavuta na vosa.” A veilecayaki o Jonas.
“Ena so na gauna era dau dredre se matadredredre na tamata ni ra tikovakaca,” e kaya o Na. “Ka so na gauna ni ra rogoca se cavuta vakalevu na vosa ca, e sega ni ra vakasamarua taka tale. Ia e se sega tikoga ni dodonu me cavuti na veivosa oqori. E vaka na veico tawa yaga oqo. Au sa dreti ira tani me ra vakasavasavataka tiko na iteitei ka laiva me tubu na kau vinaka.”
“Au marau niu sega ni cavuta na vosa,” e kaya o Jonas.
“O au talega,” a kaya o Na. Au dokai iko saraga. Dua na vakasama. “Vakacava me dua na nodatou iyalayala vakamatavuvale?
“Na iyalayala vakacava?” A taroga o Jonas.
“Daru yalataka me cavuti ga na vosa vinaka ka kakua na vosa ca. Ena rawa ni dua na iyalayala vakavuvale.
E taleitaka o Jonas na vakasama oya. Erau sa qai kureiliga o koya kei Na. A lomavinaka o Jonas me baleta na iyalayala a cakava vei Na.
“Ia oqo, vakacava mo yalataka mo vukei au me vakaotia na noqu werewere?” A taroga o Na. “Au na qai yalataka meu kauti iko ki na rara ni gade.”
A dredre o Jonas ka tomika cake e dua na isivi. “Sa okoya.”
Ni vukei Na, e vakila o Jonas ni sa vinaka cake sara. E kila o koya na nona yalataka me kakua ni tauca na vosa ca sa dua na digidigi vinaka ki na nona matavuvale.
Droini mai vei Dan Widdowson