Au Rawa Ni Vakatagitaka
E tiko o ya o Koya!
Nanamaki [idusidusi ena ikava] =72
1. O dau galili tu beka,
Me vaka e dua na delana mo kabata
E sa baba levu beka vei iko?
O sa bau vakila na rarawa,
Me vaka e dua na lomaleqa e loma
Sa rui titobu vei iko?
Qai vakananuma vei iko na yalomu e dua na domo vakanomodi:
iTaletale: O Koya e tiko e kea, e kaukauwa cake mai na leqa cava ga.
Sa tiko e kea na Kalou, rogoca na nomu masu vakasolokakana,
Dolele yani me vakaukauwataki iko,
Mo kila ni o sa itaukei.
O sega ni tiko duadua, ni o Koya ena dau tu ga e kea.
2. O dau tu vakadua mo vakasamataka
Na veika e raica na Tamamu Vakalomalagi
Ena gauna e raici iko kina o Koya?
E matadredredre vakalevu cake mai na matanisiga
Ni raica na Nona ka talei;
E dua ga vakataki iko!
Mo vakacegu ni vakananumi iko na domo malua oya:
iTaletale 2: O Koya e tiko e kea, e levu cake mai na veibolebole kecega.
Sa tiko e kea na Kalou, ka vakaraici iko tiko ni ko tubu tiko,
Vakauta na vakacegu ena bogi,
Vukei iko mo kila ka digitaka na ka dodonu.
O sega ni tiko duadua, ni o Koya ena dau tu ga e kea.
Tovolea tikoga, mo tubu tikoga;
Dau masu tikoga, ka kila tiko:
E lomani iko na Kalou, ka dau tiko ga e kea o Koya.