Gaoioiga o le Sau, Mulimuli Mai ia te A’u
Mo afiafi faaleaiga, suesueina o tusitusiga paia, pe tau lava o se mea malie!
Loto Agalelei
Mo le Faataoto 1–4; 15–16; 22; 31; Failauga 1–3; 11–12
Tala: O le Faataoto o se tusi o upu poto. Fai mai se tasi faataoto “ia e faatuatua i le Alii ma lou loto atoa” (Faataoto 3:5). Fai mai se isi faataoto, “o le tali filemu e liliueseina ai le ita” (Faataoto 15:1).
Pese: “O Le Agalelei e Amata ia te A’u,” (Tusipese a Tamaiti, 83)
Gaoioiga: I le itulau e 40 faitau e uiga i le faaaogaina o upu agalelei. Ona oti ese lea o ni pepa fatu ma tusi ni faamatalaga agalelei po o ni upu fesoasoani i luga e avatu ai i isi. E mafai foi ona e natia fatu ina ia maua e isi!
Mauga o le Alii
Mo le Isaia 1–12
Tala: O Isaia o se perofeta. Na ia faaigoaina le malumalu “o le mauga o le Alii” (Isaia 2:3). Sa ia fai mai e mafai ona tatou aoao e uiga ia Iesu Keriso i le malumalu.
Pese: “Ou te Fia Vaai i le Malumalu” (Tusipese a Tamaiti, 99)
Gaoioiga: E mafai ona e mateina pe fia malumalu o loo iai i le lalolagi? Agai i le temples.ChurchofJesusChrist.org e maua ai le tali. O ai na latalata lana mate? Tusi pe vali se ata o se tasi o malumalu.
O Faamanuiaga mai ia Iesu
Mo le Isaia 13–14; 24–30; 35
Tala: Na aoao mai Isaia e faamanuiaina e Iesu Keriso i latou o e mulimuli ia te Ia. E mafai ona e faitau atili i mea na aoao mai e Isaia i le itulau 8.
Pese: “I Will Walk with Jesus” (Feb. 2020 Uo ma le Liahona)
Gaoioiga: Feauauai e sue mau e taaalo ai i le taaloga faafetaui i le itulau 12. Na faapefea ona fesoasoani Iesu ia te oe?
Peau o le Sami
Mo le Isaia 40–49
Tala: Na aoao mai Isaia afai tatou te tausia poloaiga, o le a tatou maua le filemu e pei o se vaitafe ma le “amiotonu e pei o peau o le sami” (Isaia 48:18).
Pese: “Tausi Poloaiga” (Tusipese a Tamaiti, 68–69)
Gaoioiga: Fai sau oe lava “peau o le sami”! Ligi faaafa se fagu i le vai ona faalanumoana lea i vailanu faimeaai. Faatumu le vaega o totoe i le ga’o. Faamau le tapuni. Ona faau lea lemu o le fagu i le isi itu ma le isi itu e matamata ai i peau! E faapefea ona fesoasoani le tausia o poloaiga e te lagona ai le filemu?
Lafi ma Saili [Igave’a]
Mo le Isaia 50–57
Tala: Na aoao mai Isaia, “Saili le Alii” (Isaia 55:6). O lona uiga e tatau ona tatou tatalo, tausia poloaiga, ma aoao e uiga i le talalelei. O le a fesoasoani lea ia i tatou e lagona ai le latalata atili atu ia Iesu Keriso.
Pese: “Saili Vave le Alii” (Tusipese a Tamaiti, 67)
Gaoioiga: Filifili se tagata e toatasi e avea ma tagata saili. A o moeiini o latou mata, nana se ata o Iesu. Usu malie se pese Peraimeri a o sue e le tagata saili le ata. A latou latalata i ai, pepese leotele ma leotele seia latou mauaina. Feauauai e avea ma tagata saili. E faapefea ona e sailia Iesu Keriso?
Ata na tusia e Katy Dockrill