Tusia e Oe
O Mea Laiti e Fai ai se Eseesega!
Jed L., 9 tausaga, Ilocos Norte, Filipaina
O a’u e pito sili ona puupuu i le matou vasega. O nisi taimi ou te moomoo maimau pe ana ou umi e pei o tamaiti o la’u vasega. Ae ua fai mai lo’u tina ia te a’u e sili atu le taua o o’u tulaga faatauaina nai lo lo’u maualuga, ma e tele mea e mafai ona ou faia e ui lava ou te laititi nai lo tamaiti o la’u vasega.
Pe a leiloa se mea pe ou te fefe foi, ou te tuua le mea o loo ou faia ma tatalo. E tali mai le Tama Faalelagi i a’u tatalo.
Ou te fesoasoani i ou tausoga ma isi tamaiti e suesue le matematika, Igilisi, ma le tusitusi. Ou te fesoasoani e fai feau. Ou te tausia au fagafao. Ou te tusia ata ma tusi ni tusi mo faifeautalai. A ou faatau pe mauaina se mea fou, ou te faasoaina atu i isi. Pe a ou vaai i tagata matitiva i luga o le auala, ou te avatu le mea ou te mafaia, ma ou te tatalo mo i latou i aso uma.
A o ou laitiiti, sa amata ona faitau mai lo’u tina ia te a’u. Ma te faitau i tala o le Tusi a Mamona, tala o le Tusi Paia, ma le mekasini o le Uo . I le taimi nei, e ui lava ua iva oʻu tausaga, ae o loo ia faitau mai pea iā te aʻu. E le mafai ona ou moe vagana ua faitau faatasi lo’u tina ma a’u. Ae o nisi o po ou te faitau ai mo Tina seia oo ina ia moe.
Ou te faia nei mea faigofie e ui ina ou laitiiti. Ou te iloa e alolofa le Tama Faalelagi ma Iesu Keriso i tamaiti laiti. Ou te iloa La te alolofa ia te a’u. Ou te alofa foi ia i Laua. O la’u miti o le avea lea ma se faifeautalai ina ia mafai ona ou faia nisi mea laiti e faia ai se suiga tele.
Ata na tusia e Adam Koford