Kajidede Wōn Eo Ej Iakwe Eok, Mrs. Banks!
Ekar aolep jino kōn juon wut …
Roxy ekar iakwe kalimjōk aolep im̧ōko ilo peļaak eo an ilo an kar etetal n̄an m̧weo im̧ōn jān jikuuļ. Juon em̧ ekar wōr juon kidu ie me ekar rurrur im kelōn̄ kelaļ ilo wintō eo. Bar juon em̧ ekar wōr bao ko rekar kanooj peran ainikien ilo wōjke ko.
Im innām ekar m̧weo im̧ōn Mrs Banks. Mrs. Banks ekar rūkaki in kūlaaj jilu eo an, im liin ekar eo em̧m̧an tata ippān Roxy. Iien otemjej Roxy ej iak iakwe e ļo̧k Mrs. Banks ke ekar lo an jijet ioon jea eo an ilo ettōņak eo an itum̧aan. Mrs. Banks ekar iien otemjej jouj im mōņōņō.
Bōtaab rainin jea eo an ilo tōņak eo ekar ejjeļo̧k kobban. Im̧weo ekar lur. Jekdo̧o̧n kuuj eo nejin Mrs. Banks, Chester, ekar jako.
Roxy ekar keememej jinen an ba bwe Mrs. Banks ekar nan̄inmej. Liin ekar etal n̄an aujpitōļ eo aolep raan n̄an taktō. Roxy ekar en̄jake burom̧ōj. Liin ekar kōņaan kōm̧m̧ane juon men em̧m̧an n̄an Mrs. Banks. Bōtaab ta?
Roxy ekar reilo̧k n̄an bee ko rej ekkāke jān wut n̄an wut. Innām liin ekar wōr juon an ļōmņak.
Roxy ekar ettōrļo̧k n̄an m̧weo im kar bōk juon rose jān jikin kallib eo an. Liin ekar ro̧o̧lļo̧k n̄an m̧weo im̧ōn Mrs. Banks im kar likut wut eo ilo tōņak eo im̧aan.
Raan eo tok juon Roxy ej likūt juon wut ioon jea eo an Mrs. Banks. Im raan eo ālkin, liin ekar likūt juon daisy iturin kōjām eo an im̧aan. Kajjojo raar ium̧win ruo wiik ko, Roxy ekar likūt juon wuj n̄an Mrs. Banks. Liin ekar lale bwe ejjeļo̧k juon en loe.
Juon raan ilo iaļ eo an n̄an m̧weo, Roxy ekar lo Mrs. Banks jijet ilo tōņak eo im̧aan. Liin ekar jibwe jet iaan wut ko ilo pein.
“Roxy,” Mrs. Banks ekar ba, “lale wut aiboojoj kā aō. Juon ekar doori n̄an eō. Kajjojo raan juon wut ekar kōttar eō ke ikar tōkāktok m̧weo jān aujpitōļ.”
Roxy ekar ettōn̄. “Kwojeļā ke kar wōn eo?”
Mrs. Banks ekar ettōn̄ļo̧k. “Jekdo̧o̧n kar wōn ro, ikōņaan kam̧m̧oolol er.”
“Ekar bōlen juon eo kwoj iakwe eok!” Roxy ekar ba.
“Ekwe, ikar erreim̧aanļo̧k n̄an pukōt juon wut kāāl kajjojo raan,” Mrs. Banks ekar ba. “Wut eo m̧oktata ekar ilo tōņaak eo aō.”
“kwoj ļōmņak kuuj eo nejūm ekar likūti?” Roxy ekar kajjitōk.
“Chester ekōņaan kōn kabwilōn̄ eō, bōtaab ejjan̄in kar likūt wut ko.” Mrs. Banks ekar ettōn̄. “Ak wut eo ilo jea eo aō?”
“Kidu en im̧weeo?” Em̧ool Roxy ekar ļapļo̧k an ettōn̄.
“Turin kōjām eo aō im̧aan?”
“Juon squirrel?”
“Em̧ōj aō jaje,” Mrs. Banks ekar ba, ettōn̄. “Ikar jab kile ekar kanooj lōn̄ menin mour ko rej iakwe eō! Bōtaab wut ko ilo m̧ool raar jipan̄ eō en̄jake aō aorōk!.”
Roxy ekar kanooij in ļap an lo̧udin̄din̄. Liin ekar m̧ōņōņō ekar jipan̄ kōm̧m̧an an Mrs. Banks juon alen ettōn̄.
Kōmeļeļe jān Adobe Stock