Kar jeje jān Kwe

Men ko Reddik rej Kōm̧m̧ane juon Oktak!

Jed L., 9 iiō, Ilocos Norte, Philippines

Ij kadu tata ilo kūlaaj eo aō. Ij jet iien kōņaan bwe in kar aitok āinwōt ro ilo kūlaaj eo aō. Bōtaab m̧am̧a ej jiron̄ eō bwe aorōk ko aō reļļapļo̧k aer aorōk jān aitok eo aō, im imaron̄ kōm̧m̧ani men ko jekdo̧o̧ņ n̄e ij uddikļo̧k jān ro ilo kūlaaj eo aō.

N̄e in luuji juon men ak n̄e ij mijak, ij bōjrak jān ta eo ij kōm̧m̧ane im jar. Jemedwōj Ilan̄ ej ron̄jake im uwaake jar ko aō.

Ij jipan̄ ro rilikū im ajri ro jet ekkatak math, English, im jeje. Ij jipan̄ kōm̧m̧ani jerbal ko m̧weo. Ij loloorjake menin mour ko nejū. Ij jin̄a pija im jeje leta ko n̄an mijenede ro. N̄e ij wia ak bōk juon men kāāl, ij ajije ippān ro jet. N̄e ij lo armej ro rej aikuj ilo iaļ eo, ij leļo̧k ta eo imaron̄, im jar kōn er.

Ke ikar dik, jinō ekar jino riit tok n̄an eō. Kōm kar riiti bwebwenato ko an Bok Mormon, bwebwenato ko an Baibōļ, im eo Jera māākjin eo. Kiiō, jekdo̧o̧n ta ij ruwatimjuon iiō detta, jinō ej riit wōt n̄an eō. Iban kiki m̧ae iien jinō ej riit ippa. Bōtaab kiiō jet bon̄ ij riit n̄an Jinō m̧ae iien ej emadidiļo̧k.

Ij kōm̧m̧ane men kein reļam waan jekdo̧o̧n n̄e iuddik. Ijeļā Jemedwōj Ilan̄ im Jisōs Kraist rej iakwe ajri ro reddik. Ijeļā Rej iakwe eō. Ij iakwe Er barāinwōt. Ettōņak eo aō ej n̄an erom juon mijenede bwe in maron̄ kōm̧m̧ani men ko reddik n̄an kōm̧m̧ane juon oktak ekilep.

Kōmeļeļe ko jān Adam Koford