Jān Būreejtōnji eo Kein Kajuon

Anij En Anjo̧!

Jān Būreejtōn Russell M. Nelson

Kar kōm̧man bwe en jetjet jān “Anij En Anjo̧” Liaona, Nov. 2020, 92–95.

Kwoj ke jeļā ta meļeļe in Anij en anjo̧? Ej meļeļe in bwe jen kōtļo̧k bwe E en kareel eo ekajoor tata ilo mour ko ad.

Kwoj ke kōņaan bwe Anij en anjo̧ ilo mour eo am̧? Kwonaaj ke kōm̧m̧an bwe naan ko An, kien ko An, im bujen ko An ren jelet ta eo kwoj kōm̧m̧ane kajjojo raan? Kwonaaj ke kōm̧m̧an bwe Ainikien en ļapļo̧k an aorōk jān ko jet?

N̄e kwoj kōm̧m̧an bwe Anij en anjo̧, kwonaaj ekkatak m̧ool ko indeeo n̄an tōl mour eo am̧. N̄e kwoj kōm̧m̧an bwe Anij en anjo̧, ekanooj lōn̄ kāālet ko rej pidodoļo̧k. Kwonaaj jeļā:

• Ta eo n̄an alooje im riiti

• Ekōjan kōjerbal iien eo am̧

• Ta eo kwoj kōņaan tōpare

• Ta kain armej eo kwoj kōņaan erom

Ebōk tōmak im peran n̄an kōm̧m̧an bwe Anij en anjo̧. Ilo am̧ kōm̧m̧an bwe E en anjo̧, kwonaaj jeļā bwe ad Anij ej “juon Anij in mennin bwilōn̄ ko” (Mormon 9:11).

Ta Eo Kwonaaj Kar Kōm̧m̧ane?

Kwonaaj ke jeorļo̧k bōd?

Ejjab jibadbad eo aō in.

Kwonaaj ke m̧ool?

Ij aikuj ke bōke?

Kwonaaj ke kar jouj?

Kwonaaj ke kar kāālet n̄an alooje juon men eo em̧m̧an?

Ekanooj in kōjak! Aolep rej kōnono ilo jekjek jab in

Kōmeļeļe ko jān Kiersten Eagan