Bwebwenato ko ilo Jeje Ko Rekwojarjar
Aiseia ej Katakin kōn Jisōs Kraist.
Aiseia ekar juon rikanaan. Ekar mour m̧okta jān an kar Jisōs Kraist ļotak. Bōtaab ekar jeļā Jisōs enaaj kar itok.
Aiseia ekar ba Jisōs enaaj kar ļotak āinwōt Nejin Anij. Jisōs enaaj kar jipan̄ im kemour ro jet.
Aiseia ekar barāinwōt ba Jisōs enaaj kar itok n̄an laļ in. E enaaj kar ņa etan Irooj in Aenōm̧m̧an. E enaaj kar ajeļo̧k mour eo An n̄an kōj kōnke E ekanooj in iakwe kōj.
Men ko Aiseia ekar katakin raar waļo̧k. Elōn̄ iiō ko tokālik, Jisōs ekar tok n̄an laļ in. E ekar kwaļo̧k n̄an kōj iaļ eo. E ekar mej im bar mour. E ej mour rainin!
Imaron̄ ekkatak kōn Jisōs Kraist. N̄e ij keememej ta eo E ekar kōm̧m̧an n̄an eō, imaron̄ en̄jake aenōm̧m̧an im kōjatdikdik!
Kōmeļeļe ko jān Apryl Stott