Loļo̧k Jikin Kōm̧m̧an Pija in Alooj an Bok in Mormon
Ejjab ettoļo̧k, kōm kar etale juon jikin ko ijo juon pija in alooj an Bok in Mormon kar pijaik. Kōm kar alooje jikin eo ijo Jisōs Kraist ekar loļo̧k ajri ro juon illo̧k juon.
Kōm kar alooje ilo an ajri ro jibwe pā ko pein rikōm̧m̧an pija eo āinwōt Jisōs. Ekar kōnono n̄an er ilo jouj, wāween em̧m̧an, ejja āinwōt Jisōs naaj kar.
Ajri ro raar jiron̄ kōm bwe kōnke kōn en̄jake eo aer, naan in kam̧ool eo aer kōn Bok in Mormon ekar eddōkļo̧k em̧ool kajoorļo̧k. Jisōs ekar itok n̄an ippān Rinipai ro. E ekar kōjeraam̧m̧an ajri ro. Bwebwenato eo em̧ool.
Kwomaron̄ jeļā barāinwōt. Ekkatak Bok in Mormon. Alooji pija in alooj ko kōn Bok in Mormon. Ilo am̧ kōm̧m̧ane, kwomaron̄ epaakeļo̧k Jisōs. Kwoj jitōnbōro n̄an E. Im Jetōb Kwojarjar enaaj jipan̄ eok en̄jake iakwe im aenōm̧m̧an eo an Rilo̧mo̧o̧r.
Rikōm̧m̧an pija eo ekar bōk jikin Jisōs ekar jouj im meanwōd.
Būraimere būreejtōnji eo rej iakwe ioon kweilo̧k ippān ajri ro ilo jikin kōm̧m̧an pija in alooj eo.
Ilo jikin in, enjeļ ro raar kar dāpij er imejatoto kōn wea ko!
Elōn̄ ajri ro raar pād ilo pija in alooj eo.
Leddik in ekar jipan̄ rijerbal in kāāmra eo pād ilo aem̧ōļoļo.
Ekar āinwōt ikar mour ilo Bok in Mormon.
Emoani W., iiō dettan 11
Ekar jipan̄ eō n̄an jeļā bwe Jisōs ekar loļo̧k armej rein.
Isaac P., iiō dettan 7
Ke Jisōs im enjeļ ro raar waļo̧k, ekar kōm̧m̧an aō m̧ōņōņō.
Lilly W., iiō dettan 8
Kwomaron̄ kwaļo̧k pija in alooj eo ippān aolep!
Castle W., iiō dettan 9
Kwonaaj ekkatak eļapļo̧k kōn Jisōs Kraist.
Christina C., iiō dettan 9
Ekar kōm̧m̧an aō ļōmņak ta eo enaaj kar āinwōt n̄an ioon Jisōs Kraist.
Rhett M., iiō dettan 4