Bainier ro ilo Aolepān Āne eo

Margaret ej Lo̧mo̧o̧ren Aolep Raan eo

Jān Michele Hill

(Pedped ioon juon bwebwenato em̧ool)

Wa eo ekar tūm̧laļļo̧k. Ta eo Margaret emaron̄ kar kōm̧m̧ane?

Margaret (12 years old) is on a ship during the mid-1800s. She is holding a white wool blanket and taking it to the captain of the ship for him to stuff in the holes in the side of the ship.

Margaret ekar juon ioon teek eo im lale ļo̧k m̧aļo eo ebūļu ipeļaakin. Wa eo ekajkaj ioon ņo ko reļļap.

Baam̧le eo an Margaret raar wia kake aolep men ko m̧wier bwe ren jerak ļo̧k n̄an United States. Tūreep eo enaaj kar bōk jiljino wiik ko. Margaret ekar būrom̧ōj in em̧m̧akūt jān m̧weo im̧ōn ilo Wales. Bōtaab liin ekar lo̧udin̄din̄ kōn m̧weo im̧ōn ekāāl barāinwōt.

Jejjo allōn̄ ko m̧oktakļo̧k, baamle eo an Margaret raar ioon mijenede ro jān Kabun̄ eo an Jisōs Kraist im Armej ro Rekwojarjar ilo Raan Ko Āliktata. Margaret im ro jinen im jemān raar peptaij. Im kiiō raar etal n̄an koba ippān Rikwojarjar ro jet in Zaion.

Tūreep eo ekar ilo tōre eo epen. Jinen Margaret ekar nan̄inmej. Im jemān ekar nan̄inmej jān iiō ko in jerbal ilo jikin kōm̧m̧an coal mine ko. Kōn menin Margaret ekar lale erro. Liin ekar lale ļaddik eo jatin im kōkkajiriri nin̄nin̄ eo jatin barāinwōt. Ekar juon jerbal ļapļap. Bōtaab Margaret ekar jab jekpen ņae.

Jet iien wa eo ekar kanooj ekajkaj ioon dān eo jon̄an lo̧jien Margaret ekar m̧ōļan̄ļōn̄. Iien ko jet liin ekar leļn̄o̧n̄. Ke ekar leļn̄o̧n̄, liin ekar lukkuun kil mejān im kajjitōk ippān Jemedwōj Ilan̄ kōn jipan̄.

Juon raan Margaret ekar ron̄ lam̧ōj. “Ewōr juon ettal ilo wa eo! Jej tūm̧laļļo̧k!”

Aolep raar kor. Kapen eo ekar jiron̄ aolep n̄an kappukōt lem ko. Armej ro raar bōk lem ko n̄an ālim dān eo ilo rejet eo juon an wa eo.

Margaret ekar kōņaan jipan̄. Liin ekar bukwelōlō turin jikin kiki eo an im kar buuļ kōmaat jon̄an an maron̄ kar. “Jouj, Jema Ilan̄, jipan̄ eō ļōmņak kōn jet wāween ko n̄an jipan̄.”

A young woman named Margaret smiles as she folds her hands in prayer.

Juon en̄jake eaenōm̧m̧an ekar kobrak būruwōn Margaret. Liin ekar jeļā Jemad Ilan̄ ekar mije e. E enaaj kar jipan̄ er.

Innām ekar wōr juon an ļōmņak.

Liin ekar kanōk laļtak ruo ko̧o̧j meņeņe ko jān jikin kiki eo an im kar ettōrļo̧k n̄an pukōt kapen eo. “En̄ieō,” liin ekar ba. “Likūti ilo ron̄ eo n̄an kabōjrak ettaļ eo.”

Kapen eo ekar kōņaan ļōmņak eo an Margaret. Ekar pinejļo̧k lowaan ron̄ eo kōn ko̧o̧j māņāāņ ko. Innām ekar lutōkļo̧k juon bakōj kileplep in pij ebwil ioweer. Ke pij eo ekar m̧ōļo, ettal eo ekar liāp.

“Kom̧m̧ool kōn am aji tok ko̧o̧j māņāāņ ko ko̧o̧jōm,” kapen eo ekar ba. “An m̧ōkaj am̧ ļōmņak ekar lo̧mo̧o̧ren aolep raan eo.”

Margaret ekar ettōn̄. Liin ekar jeļā Jemedwōj Ilan̄ ekar uwaake jar ko an. Em̧m̧akūt in bainieer eo an ej kab baj tōn kar jino, im liin ekar jeļā E enaaj kar jipan̄ e ilo kajjojo bun̄tōn ilo iaļ eo.

Mijenede ro m̧oktata raar itok n̄an Wales ilo 1840 eo.

Juon bukōn ilo Wales ekar jikin eo āt eo etan aitook tata ilo laļ in.

Ewōr elōn̄ļo̧k jiip ko ilo Wales jān armej ro!

Margaret Griffiths ekar 11 iiō dettan ke ekar peptaij.

Ke Margaret ekar rūttoļo̧k, liin ekar m̧are im ekar wōr rualitok nejin ajri ro.

Liin ekar jerbal āinwōt būreejtōn eo an Doulul eo an Kōrā ro ium̧win 26 iiō ko.

Page from the September/October 2022 Friend Magazine.