Jipan̄ Āinwōt Jisōs
Jisōs Ekar Kallim̧uri Kōj Kaenōm̧m̧an
Jisōs Kraist ekar jeļā rikaļoor ro An renaaj kar aikuj kaenōm̧m̧an ālkin An kar mej. Kōn menin E ekar katakin er kōn Jetōb Kwojarjar. E ekar kallim̧ur bwe Jetōb Kwojarjar eo enaaj kar kaenōm̧m̧an er im pād ippāer iien otemjej. Juon āt n̄an Jetōb Kwojarjar eo ej Rikaenōm̧m̧an. N̄e jej būrom̧ōj ak mijak, Jetōb Kwojarjar emaron̄ jipan̄ kōj keememej iakwe eo an Jisōs Kraist.
Jinō, jema, im n̄a kar elleļo̧k ko̧o̧j meņeņe ko n̄an juon aujpitōļ an ajri. Rijerbal ro an aujpitōļ eo raar ba ko̧o̧j meņeņe ko renaaj kar jipan̄ ajri ro reban bar en̄jake mijak. Ij m̧ōņōņō bwe ko̧o̧j meņeņe ko am renaaj jipan̄ kam̧ōņōnōik ajri ro im kōm̧m̧an aer m̧ōņōņō. Ekar kōm̧m̧an aō en̄jake m̧ōņōņō barāinwōt.
Brooklyn D., 9 iiō, Texas, USA
Kōmeļeļe jān Tiziana Longo