Ia Saunia mo le Malumalu!
Sa ma fesili atu i tamaiti pe o faapefea ona latou saunia e o i le malumalu ma mea e faamoemoeina. O le mea lenei sa tatau ona latou fai atu ai!
“O loo ou suesueina fesili o faatalanoaga o le malumalu ina ia saunia ai e alu i le malumalu. Ou te fia manao i sa’u molimau malosi.”
Alivia W., 9 tausaga, Iuta, ISA
“Ua ou fiafia lava e alu i le malumalu i se aso e faia papatisoga. Sa ou aoaoina ni mea se tele e uiga i le malumalu e ala i le suesueina o tusitusiga paia. Ua ou fiafia aua e tusa lava pe o ou i ai i lotoa o le malumalu, e mafai ona ou lagonaina le malosi tele o le Agaga. Ou te mautinoa e sili atu le malosi o le Agaga i totonu.”
Luke F., 10 tausaga, Idaho, ISA
“E mafai ona e saunia mo le malumalu i aso uma. Ou te tausia poloaiga. Ou te faitauina tusitusiga paia ma lo’u uso ma lo’u tina i taeao uma a o le’i amataina le aoga. Ou te taumafai ia avea ma se faataitaiga i a’u uo. Ou te taumafai e filifili le mea sa’o e pei ona fai mai i le viiga ‘Fai Mea Tonu’ (Viiga, nu. 148). Tatou te usuina lena viiga i le taeao e seti ai le lagona sa’o!”
Mark Y., 10 tausaga, Poltava, Iukureini
“Ou te tatalo i aso uma ma fesili atu i o’u matua e uiga i sauniga o le malumalu. Ua ou sauni foi mo la’u faatalanoaga ma le epikopo. Ua matuā ou fiafia lava e alu i le malumalu.”
Daniel D., 11 tausaga, Kyiv, Iukureini
“O lo’u taimi muamua lea e alu ai i le malumalu. A o le’i oo i lo’u taimi mo le papatisoga, sa tatau ona ou auauna atu o se molimau. Sa ou vaai i se isi tagata o papatisoina ma faamautinoa ua latou o atu atoa i lalo o le vai. Ina ua oo i lo’u taimi e papatiso ai, sa mafanafana le vai. Sa ou lagonaina le filemu ma le fiafia. Ou te fiafia i le malumalu ma fiafia e fesoasoani i lenei galuega tele.”
Antonella A., 12 tausaga, British Columbia, Kanata